![REITOR UNPAZ HALO ABERTURA BA PROSESSU APRENDISAJEN UNPAZ RAMU RAEOA](https://unpaz.tl/asset/foto_berita/277799460_704960447622577_1896889678109740049_n.jpg)
REITOR UNPAZ HALO ABERTURA BA PROSESSU APRENDISAJEN UNPAZ RAMU RAEOA
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. Ohin ofisialmente loke abertura bá prosessu aprendisajen estudante UNPAZ Ramu Oé-Cusse Raeoa bá tinan akadémiku 2022, iha Raeoa Santa Rosa (04/04).
Magnifiku Reitór, Dr. Adolmando Soares Amaral, Lic. Eco.,MM. hateten ohin loron, Xefe Departamentu no dosente sira mai para hahú ona prosessu aprendisajen bá semester impar liu-liu bá estudante foun sira iha Raeoa.
Nia hatutan, tanbá ne’e mak ohin ita mai esplika bá sira, molok ita atu hahú prosessu aprendisajen, dosente orientadór akadémiku sira, sei orienta estudante sira bá iha kartaun planu de estudu.
Katraun planu estudu ne’ebé fó estudante sira ne’e katak, materia sia (9) ho todan 24 todan kreditus, ne’ebé sira tenki priense hotu, hetan esplikasaun husi dosente orientadór no Xefe Departamentu, molok sira hahú aula hamutuk ho dosente ne’ebé responsabiliza bá materia iha semester ida ne’e.
Partisipa iha abertura bá prosesu aprendisajen ne’e, Magnifiku Reitór, Dr. Adolmando Soares Amaral, Lic. Eco.,MM. Ho Estrutura koplmpostu husi, Vice Reitór, Xefe Departamentu sira nomõs Dosente sira, Kordenadór Kampuz UNPAZ Ramu Raeoa ho Estrutura, inklui Estudante foun sira.