REITOR UNPAZ HALO ABERTURA BA PROSESSU APRENDISAJEN UNPAZ RAMU COVALIMA

REITOR UNPAZ HALO ABERTURA BA PROSESSU APRENDISAJEN UNPAZ RAMU COVALIMA

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic. Eco.,MM. Ohin ofisialmente loke abertura bá prosessu aprendisajen estudante UNPAZ Ramu Covalima bá tinan akadémiku 2022, iha edifisiu Kampuz Ramu UNPAZ Covalima (10/04).

Magnifiku Reitór, Universidade da Paz, Dr. Adolmando Soares Amaral, Lic. Eco.,MM. hateten ohin dosente sira ne’ebé hetan despasu husi Xefe Departamentu sira, liu-liu sira ne’ebé programa estudu iha kampuz Ramu, ita mai hotu, hodi prepara bá hanorin estudante sira.

“Ita hahú ona abertura prosessu aprendisajen iha Raeoa, ohin ita hahú abertura iha kampuz Ramu UNPAZ Covalima, aban prosessu aprendisajen komesa la’o ona iha Covalima”,dehan Reitór.

Partisipa iha abertura ne’e, Magnifiku Reitór, Universidade da Paz, Dr. Adolmando Soares Amaral, Lic. Eco.,MM. ho Estrutura, kompostu husi Vece Reitór, Xefe Departamentu ho Dosente sira, Kordenadór Jeral Kampuz Ramu UNPAZ Covalima ho Estrutura, inklui Estudante sira.