REITOR UNPAZ ASINA AKORDU HO PREZIDENTE INSS BA DIREITU FUNSIONARIU NO DOSENTE SIRA

REITÓR UNPAZ ASINA AKORDU HO PREZIDENTE INSS BA DIREITU FUNSIONARIU NO DOSENTE SIRA

Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic.Eco.,MM. asina akordu ho Prezidente Institutu Nasional Seguransa Sosial Sr. Longuinhos Armando S.I.Leto ba Direitu Dosente no Funsionariu hotu iha UNPAZ, iha edifisiu INSS Kaikoli (21/01).

Magnifiku Reitór, Universidade da Paz, Dr. Adolmando Soares Amaral, Lic.Eco.,MM hateten ohin Universidade asina akordu ho Prezidente Institutu Nasional Seguransa Sosial, para atu bele asegura direitu seguransa sosial ba dosente no funsionariu iha UNPAZ.

“Hahú ohin dosente no funsionariu iha UNPAZ, sira iha direitu ona ba seguransa sosial ne’e, hahú husi Outubru 2017 mai to’o ohin loron”, tenik Reitór.

Aliende ne’e II Vice Reitór, Sr. Caetano Carceres, Lic. Eco.,M.Ak, hatutan seguransa sosial ne’ebé durante ne’e ita prosesu hela maibe pendenti.

“Ohin ita konsege realiza akordu ida entre UNPAZ ho Institutu Nasional Seguransa Sosial, hahú ohin seguransa sosial, ba dosente no funsionariu komesa konta ona sira nia direitu ba oin”,hatutan Sr. Caetano.

Partisipa iha asina akordu ho INSS ne’e, Magnifiku Reitór, Dr. Adolmando Soares Amaral, Lic.Eco.,MM. Prezidente Institutu Nasional Seguransa Sosial Sr. Longuinhos Armando S.I.Leto, Estrutura, Diretór Finansas, inklui mós Gabinete Reitoradu.