REITOR UNPAZ AKOMPANIA HUSI PREZIDENTE KO PAK NIAN PARTISIPA IHA SERIMONIA APREZENTASAUN RELATORIU P

REITOR UNPAZ AKOMPANIA HUSI PREZIDENTE KO PAK NIAN PARTISIPA IHA SERIMONIA APREZENTASAUN RELATORIU PAK NIAN HUSI ESTUDANTE PAK GRUPU 5, 6, 14 NO 15, IHA SEDE SUCO CUNHA

RAEOA Universidade da Paz (UNPAZ) nia Magnifiku Reitor UNPAZ Dr. Adolmando Soares Amaral, Lic. Eco., MM, akompania husi prezidente PAK, inklui mos dekanu FSPeCM, partisipa iha aprezentasaun relatoriu final, iha Salaun Sede Suco Cunha, 05/06/24.

Hatete husi Xefe Suco Cunha Sr. Domingos Seco Cauna, katak hau lori hau nia amu kabu nain haat nia naran hato'o agradese wain ba politika UNPAZ nian ne'ebe mak bele haruka nia estudante sira mai iha ami nia Suco laran.

Ba estudante UNPAZ sira nia prejensa fok solok tebes ami nia komunidade sira iha sira nia hela fatin, alin estudante sira mai iha ne'e la'os halo deit peskiza, maibe sira mos halo haris fatin, inklui mos lixu fatin ba ami nia komunidade sira.

Hato'o husi Dekanu FSPeCM Sr. Cipriano do Rosario PachecoPacheco, AMG. Lic. SP., M. SP hau hanesan dekanu hau lori estudante hotu nia naran husu perdaun no obrigadu ba komunidade no autoridade sira, tamba durante fulan 4 nia laran ita bo'ot sira mak kuidadu sira, ho ida ne'e hau husu ba inan aman sira karik ita nia oan sira iha loron ida ou rua nia laran sei fila fali ba Dili, karik atu halo tuir uzu kultura ruma tuir lisan no tradisaun Ambeno nian halo favor.

Hato'o husi Magnifiku Reitor UNPAZ Dr. Adolmando Soares Amaral, Lic. Eco., MM, ba komunidade sira katak, ami nia pozisaun komesa muda ona mentalidade estudante sira nian iha area pratika aprendisajen kampu nian.

Tamba ami lori sira mai aplika ona teoria ne'ebe mak sira apriende iha banku Universitariu mai hodi ajuda fahe tutan ba inan aman sira, inklui mos fo promosaun ba ita nia komunidade sira, liu-liu ba area Saude nian, dehan Reitor.

Estudante grupu 5 destaka iha Aldeia Noapai, Suco Cunha, estudante grupu 6 destaka iha Aldeia Noafafo, Suco Cunha, estudante grupu 14 destaka iha Aldeia Ume-Noah, Suco Cunha, Estudante grupu 15 destaka iha Aldeia Noeninen, Suco Cunha.

Iha Serimonia ne'e Magnifiku Reitor ho komitiva sira tesi fita ba haris fatin, no fatin lixu sira ne'ebe mak konstrui husi estudante PAK sira.

Partisipa iha Serimonia ne'e, Magnifiku Reitor UNPAZ Dr. Adolmando Soares Amaral, Lic. Eco., MM, Prezidente Komisaun organizadora PAK nian, Administrator Sub, Rejiaun Pante Makassar nian, dekanu FSPeCM, komunidade sira, inklui mos estudante PAK sira hotu.