![REITOR UNPAZ ABERTURA ORIENTASAUN ESTUDANTE FOUN IHA RAEOA 168](https://unpaz.tl/asset/foto_berita/275220356_684827959635826_4767300007969648415_n.jpg)
REITÓR UNPAZ ABERTURA ORIENTASAUN ESTUDANTE FOUN IHA RAEOA 168
Dili-Universidade da Paz (UNPAZ) nia Magnifiku Reitór, Dr. Adolmando Soares Amaral, Lic, Eco. MM. Akompaña husi Prezidente (FNM) hamutuk ho Estrutura tomak halo abertura ba kandidatu estudante foun tinan akad?miku 2022 nian iha Raeoa, ho total hamutuk estudnte atus ida neen nulu resin ualu (168), iha Santa Rosa Oe-Cusse (03/03).
Magnifiku Reitór, Universidade da Paz, Dr. Adolmando Soares Amaral, Lic, Eco. MM. hateten ita hotu-hotu iha esperansa ida de'it, ita nia hakarak kontribui ba dezenvolvimentu ba rai ida nee, nomós ita nia hakrak atu investe ita nia energia no tempu tomak atu lori povu ida ne'e ba moris diak, ita bo'ot na'in hira ne'eb? mak afirma ona ita bo'ot sira nia pozisaun hodi hakrak mai hamutuk hodi sai familia bo'ot UNPAZ, ita hotu ne'eb? moris iha rai ida ne'e, ita hotu nia resposavel moral ba rai ida ne'e no povu ida ne'e.
"Iha rai ida ne'e la iha ema ida mak kestiona Universidade da Paz nia kualidade, maibe husi 2007-2021 UNPAZ fó ona graduasaun ba ema 13.000, husi numeru ida ne'e asesu ona ba kampu traballu 78% falta 12% mak seidauk asesu kampu traballu, hau fiar katak iha loron ida ita bo'ot sira sei sai lider no lideransa iha rai ida ne'e, para atu bele halo milagre iha rai Oe-Cusse no bele fó kontribuisaun ba Timor laran tomak",tenik Reitor.
Nia hatutan, atu halo dezenvolvimentu ba rai ida ne'e, atu lori povu ne'e ba moris di'ak ita hotu ne'eb? moris iha rai ida ne'e, ita iha responsabilidade moral hanesan atu fó kontribuisaun dezenvolvimentu no atu lori povu ne'e ba moris di'ak, imi na'in hira iha ne'e iha ona responsabilidade moral para atu bele fó kontribuisaun ba dezenvolvimentu ba rai ida ne'e no lori povu ne'e ba moris di'ak.
Partisipa iha atividade refere, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Akompaña husi Prezidente (FNM) no Estrutura sira hotu, Reverendo Paroco Paroquia Nossa Senhora do Rosario Oe-Cusse, (Pe. Albino Marques), Koodenador UMPAZ-Raeoa, Sr. Lorenço do Rosario, ho Esrtutura, Komandadnte PNTL Raeoa, Komvidadus hotu, inkui estudante sira.