REITÓR SIMU VIZITA HUSI EKIPA BANKU MANDIRI ATAMBUA
Dili-23/09/2024 Universidade da Paz (UNPAZ) nia Magnífiku Reitór, Dr. Adolmando Soares Amaral, Lic. Eco.,MM. simu vizita husi bainaka espesial Banku Mandiri Atambua, objetivu husi ekipa vizita ne’e, hodi halo aprosimasaun ho UNPAZ, oinsa bele fasilita dosente, funsionariu nomós estudante sira ne’ebé iha interes atu asesu ba loke konta bankaria mandiri Indonesia liuliu banku mandiri Atambua.
Magnífiku Reitór hateten, ekipa husi banku Mnadiri Atambua sira mai halo aprosimasaun ho ita iha UNPAZ, oinsa ita bele fasilita ita nia dosente no funsionariu atu bele loke konta bakaria mandiri Indonesia liuliu iha mandiri atambua, nune’e bele fasilita bain-hira dosente no funsionariu sira balu hala’o atividade iha Indonesia sira lalika lori osan, maibe tranferensia husi ida ne’e ba iha atambua sira bele foti iha mandiri atambua.
“Ohin sira husu la’os ba de’it dosente no funsionariu, maibe bele mós estudante sira ne’ebé hakarak, mandiri atambua prontu atu fasilita, tanba ne’e nafatin husu maluk sira hotu karaik se mak iha vontade atu loke konta bankaria mandiri indonsia liuliu iha atamabua sira prontu atu fasilita”,dehan Reitór iha nia kna’ar fatin hafoin halo diskusaun remata ho ekipa sira husi banku mandiri Atambua.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
