REITOR PROMETE UNPAZ APOIU TAN 10 MIL FINALIZA SALAUN PAROKIAL LETE-FOHO
Dili-Universidade da Paz (UNPAZ) Nia Magnífiku Reitór, Dr. Adolmando Soares Amaral, Lic. Eco.,MM. Akompaña husi Vise Reitór Administrasaun Geral e Finansas, Pro-Reitor Dedezenvolvimentu Rekursu Humanu, Diretor Administrasaun Finansas, Diretor UA-AAE no Xefe Departementu Relasaun Internasionál, Partisipa iha Serimónia Inagurasaun Salaun Parokiál Kruz Joven 2023 Lete-foho, (10/09).
Magnífiku Reitór hateten, hahu konstrusaun Salaun Parokiál Lete-foho UNPAZ mak hahú ho 10 mil, atu finaliza mós UNPAZ sei apoiu tan 10 mil. Tanba ne'e agradese ba ida ne'ebé ita iha tiha ona, no pasensia ba buat ne'ebé ita seidauk atinji, buat ne'ebé furak sei mai tuir nia prosesu. Hanesan ohin amu dehan, atu hahú UNPAZ mak mai hahú, ho ida ne'e atu finaliza mós UNPAZ mak tenki mai finaliza, tanba ne'e ami hahú tau luhu nia kidun ho 10 mil, atu taka luhu nia matan mós, familia bo'ot UNPAZ sei apoiu tan 10 mil.
Entretantu Serimónia Inagurasaun Salaun Parokiál ne'e, Prezide Misa husi, Sua Eminencia Dom Virgilio Do Carmo. ho Amu Parokiál Lete-foho ho sira seluk. Membru Governu sira, Autoridade Lokal sira, PNTL, F-FDTL, Inan Aman Veteranus/ Veterana sira, Diretores, Doadores sira hotu, Inklui Sarani sira hotu iha Postu Administaru Lete-foho Munisípiu Ermera.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
