REITOR OFERESE EKIPAMENTUS SERVISU NIAN BA DEKANU VISE-REITORES NO PRO-REITOR

REITOR OFERESE EKIPAMENTUS SERVISU NIAN BA DEKANU VISE-REITORES NO PRO-REITOR

Dili-Universidade da Paz (UNPAZ) Nia Magnífiku Reitór Distribui Ekipamentus Laptop ba Dekanu, Vise-Reitóres no Pro-Reitór hodi apoiu atividade loro-loron nian, iha Magnífiku nia Kna’ar fatin (13/07).

Magnífiku Reitór Universidade da Paz Dr. Adolmando Soares Amaral,Lic Eco.,MM informa, objetivu distribui laptop ba dekanu, vise-reitóres no pro-reitór oinsá atu guia sira tama ba sistema akadémika online ne’ebé universidade iha.

“Distribui tan fasilidade ba dekanu, vise-reitóres no pro-reitór sira ho obejtivu atu fasilita sira-nia servisu loro-loron hodi nune'e lori sira tama hotu sistema akadémika universidade nian no sistema administrasaun jerál finánsas, sistema kona-ba antigus alunus nian, nomós programa kooperasaun sira hotu. Tanbá dadaun ne’e ita universidade utiliza ona sistema online”, tenik Reitór.

Magnífiku Reitór afirma liután, universidade hein atu hola tan komputadór ba dekanu, vise-dekanus no pro-reitór atu nune'e hotu-hotu bele akompãna atividade universidade nian iha online. Aleinde ne'e fasilita sira hodi prodús obra siéntifiku ho nesesidade ne'ebé mak iha, ho obriga sira atu hakerek livru, hakerek jornál, hakerek article akadémika hodi públika nasionál tantu internasionál.