REITOR KONVOKA REUNIAUN HO VISE DEKANU NO XEFE DEPARTAMENTU FAKULDADE 6

REITÓR KONVOKA REUNIAUN HO VISE DEKANU NO XEFE DEPARTAMENTU FAKULDADE 6

Dili-Universidade da Paz (UNPAZ) Nia Magnífiku Reitór, Dr. Adolmando Soares Amaral, Lic. Eco ,MM. Ho Vise Reitór Asuntu Akadémiku, hala'o reuniaun hamutuk ho Vise Dekanu nomós Xefe Departamentu husi Fakuldade neen, hodi Ko'alia Kona-ba Preparasaun Horariu Aprendizajen Ba Semester Par 2,4,6 no 8, Iha Aula Prof. Dr. Lucas da Costa (25/08).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. esplika ohin ita hala'o reuniaun ho Vise dekanu ho xefe departamentu sira, tanba vise dekanu sira mak prepara horariu ba jestaun de aula no xefe departamentu sira mak notifika dosente sira liuhusi despaisu, atu responsabiliza materia iha semester (Par) ba 2,4,6 no 8.

Reitór dehan, tanba anu responsabilidade 2023 iha fin do anu ne'e, ita hakarak halo monitorizasaun para haree kualidade, tanba universidade iha kondisõens minimas ona, iha sala, iha kadeira, Blackboard, prozetor nomós iha rekursu ho kualifikasaun akadémiku lisensiatura, mestradu no doutoramentu, nune'e bele halo prosesu aprendizajen tuir kalendariu akadémiku, katak ita sai husi semester Impar no agora tama ba semester (Par).

"Atu garante prosesu sira ne'e bele la'o, universidade forma ona ekipa ida, atu halo monitorizasaun ba prosesu aprendizajen iha semester (Par) ne'e, tanba ne'e agora ita tenki bokan no ba oin, ita tenki hakat ona numinimu pasu ida, ohin ita bokan aban ita tenki hakat ona",dehan Reitór UNPAZ.

Reitór akresenta, presiza horariu husi fakuldade neen ba departamentu 21, dosente ne'ebé notifika ona husi xefe departamentu sira atu responsabiliza materia ne'ebé nia lori, nia nomor telfone sei entrega ba ekipa monitorizasaun, nune'e ekipa halo servisu bazeia ba horariu ne'ebé entrega husi vise Dekanu asuntu akadémiku ba iha ekipa monitorizasaun.

Entretantu reuniaun ne'e, lídera husi Magnífiku Reitór Universidade da Paz, Dr. Adolmando Soares Amaral, Lic. Eco ,MM. Partisipa husi, Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. Vise Dekanu Asuntu Akadémiku sira no Xefe Departamentu sira husi Fakuldade Neen.