REITOR KONVOKA REUNIAUN HO SENADU FAKULDSDE NO DOSENTES KOLOKADU IHA KAMPUS COVALIMA NO RAEOA

REITÓR KONVOKA REUNIAUN HO SENADU FAKULDSDE NO DOSENTES KOLOKADU IHA KAMPUS COVALIMA NO RAEOA

Dili-Universidade da Paz (UMPAZ) nia Magnífiku Reitór, Dr. Adolmando Soares Amaral, Lic. Eco.,MM. hala'o reuniaun hamutuk ho Senadu Fakuldade nomós dosentes kolokadu Kampus Covalima no Raeoa, ho ajenda importante hanesan, dada hikas Dosentes Kolokadu Kampus Covalima no Raeoa. Mudansa husi Kampus Ramu sira fila ba klase normál, iha Aula Prof. Dr. Lucas da Costa (22/08).

Magnífiku Reitór, Universidade da Paz, Dr. Adolmando Soares Amaral, Lic.Eco.,MM. Hateten ohin ita sorumutu ida ne’e, tanba ita haree fila-fali despacho ne’ebé ministériu ensinu superiór iha 8 governu Públika Jurnal da Repúblika Demokratika, kona-ba klase ramu sira iha munisipiu Raeoa no Covalima, tanba ne’e mak ita ensera hanesan kampus ramu maibé estudante sira ita haruka fial-fali ba iha fakuldade sira, depois fakuldade sira bele loke fali klase ba sira.

Nia hatutan, tanba ne’e mak ohin ita bolu sira dada hikas dosente sira no bolu dekanu sira para bele estabelese klass ba kampus ramu rua ne’e, la’os ona ramu, fakuldade aumenta nia klase iha munisipiu, tantu Raeoa nomós Covalima, depois segundu ajenda mak ita dikuti kona-ba preparasaun ba lansamentu programa doutoramentu ne’ebé planu tiha ona sei lansa iha dia 5 de Novembru iha tinan ida ne’e.

"Avaliasaun ba lisensa operasional ba Kampus Ramu rua ba segunda faze ba proposta ekipa boram submete ona, maibé sei akontese avaliasaun iha 2024, tanba ne'e solusaun mak tenki re-intrega Kampus Ramu sira ba iha fakuldade, fakuldade mak aumenta sira nia klase, tanba ne'e Fakuldade sira nia klase iha Kampus sentrál nomós iha Munisípiu la'ós Kampus Ramu ona, tanba Kampus Ramu sei bele akontese iha 2024",dehan Reitór.

Reitór esplika, dosente sira ne'ebé mak durante destaka ba, sei dada fila fali hotu, depois vise Dekanu asuntu akadémiku halo orariu semana primeiru sira-nia klase iha Kampus sentrál no semana segundu sira-nia klase iha munisipiu, semana terseiru sira klase iha Kampus sentrál no semana dahaat iha fulan ikus sira iha Munisípiu fali.

Nia mós afirma liu kona-ba dosente sira ka funsionariu sira ne’ebé envolve aan iha intituisaun ka kampus ida ne’e,bita sei organiza kaben ka kazamentu jeral iha universidade ne’e, tanba ne’e programa ka proposta ida ne’e mai husi amu kapeleão ne’ebé ohin ita lori ba diskuti reuniaun senadu ita desidi ona desizaun katak, bele mai registu para funsionariu ka dosentes sira atu kazamentu jeral iha kampus.

Partisipa iha reuniaun ne'e, Magnífiku Reitór, Universidade da Paz, Dr. Adolmando Soares Amaral, Lic. Eco.,MM. Vise Reitores sira, Pro-reitor, Dekanu Fakuldade ho estrutura, Diretor/a Unidade sira nomós Dosente sira.