REITÓR KONVOKA REUNIAUN HO FUNSIONARIU SIRA HOTU IHA UNPAZ
Dili-Universidade da Paz (UNPAZ) nia Magnífiku Reitór, Dr Adolmando Soares Amaral, Lic. Eco.,MM. Akompaña husi Pro-Reitor Dezenvolvimentu Rekursu Humanu, hala'o reuniaun hamutuk ho Funsionariu sira, hodi ko'alia kona-ba asuntu servisu no responsabilidade kada unidade sira hotu iha UNPAZ.
Mag. Reitór hateten tinan ida ne'e, nu'udar anu de responsabilidade 2024 ba mandadu segundu periodu, bazeia-ba rezolusaun Workshop anual 2023 iha Lospalos Com, ida asegura ita termina ona iha mandatu tinan lima ba kotuk, agora ba oin ne'e servisu ho anu responsabilidade, ho ida ne'e ita mai ho filojofia ida katak, atividade saida mak akontese iha Kampus Sentrál, tenki akontese mós iha Kampus Ramu sira hanesan, Liquisa, Covalima no Raeoa.
"Husu ba funsionariu sira hotu, anu responsabilidade, ita tenki halo buat ruma ba UNPAZ, tinan lima ba oin ne'e, ita servisu ho fuan ho laran, tanba anu de responsabilidade, tanba ne'e husu ba ita hotu disiplina ba horas, se mak la tuir regra maka sei simu sansaun",dehan Reitór iha Aula Prof. Dr. Lucas da Costa (08/02).
Entretantu tuir planu, ohin enkontru ho Funsionariu sira hotu, aban kontinua enkontru ho Dosentes sira no bain rua ho estrutura sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
