REITÓR KONVOKA REUNIAUN HO ESTRUTURA UNIVERSIDADE NO FAKULDADE
Dili-Universidade da Paz (UNPAZ) liuhusi Magnífiku Reitór, Dr. Adolmando Soares Amaral, Lic.Eco., MM. Hala'o reuniaun ho Estrutura Universidade no estrutura Fakuldade kona-ba ajenda "Pratika Aprendizajen de kampu ba estudante semester 5 ba tinan ida ne'e, iha Aula Prof. Dr. Lucas da Costa (29/01.
Magnífiku Reitor hateten, ajenda kona-ba enkontru loraik ida ne'e, mak ita atu ko'alia kona-ba pratika aprendizajen de kampu uluk ita bolu estajiu profissionais, mais agora ita muda tiha naran ba prátika de kampu, pratika de kampu ne'e ba estudante semester 5 ba tinan ida ne’e ita hahu hanesan projetu pilotu iha Munisípiu Covalima. Ne’ebé ita inventariza ona estudante iha 250 itall, tanba ho sira estensaun, no sira reguler sira ne’e sei desloka hotu ba RAEOA durante semeter 5, sira halo hotu sira-nia semester ne’e iha ne’eba.
Nia dehan, iha kampus sentral sira semester 5 laiha ida mak atu tuir aprendizajen iha ne’e, no sira ne’ebé klass estensaun de’it mak hala'o aprendizajen iha ne’e, mais sira reguler hotu-hotu duarente semester 5 nia laran sira hala’o iha RAEOA. No Ita ko’alia ona ho amu parokia ne’eba, atu asrama iha ne’eba ita uza hotu, sira iha ne’eba Segunda- Quarta teoria no iha kinta-sabadu pratika aprendizajen de kampu. No dosente sira ne’ebé hanorin semester 5 ita sei desloka ba hotu.
Entretantu partisipa iha enkontru ne'e, Magnífiku Reitór, Dr. Adolmando Soares Amaral, Lic.Eco., MM. Estrutura Universidade no Estrutura Fakuldade.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
