REITOR KONVOKA REUNIAUN HO ESTRUTURA SIRA
Dili-Universidade da Paz (UNPAZ)liuhusi Magnifiku Reitor, Dr. Adolmando Soares Amaral, Lic.Eco., MM. hala'o enkontru ho estrutura universidade, estrutura fakuldade sira, Diretor Unidade nomós Xefe unidade sira hotu hodi halo preparasaun ba akreditasaun programatiku ba fakuldade sira iha tempu badak, iha Aula Prof. Dr. Lucas da Costa (24/07).
Reitór hateten, reuniaun ida ohin reuniaun estra ordinariu ida ne'ebé estrutura universidade, fakuldade no programa estudu sira, atu haree ba preparasaun programatika sira ne'ebé mak atu hetan akreditasaun ba fakuldade rua, hanesan fakuldade ekonomia nomós enjeñaria.
"Tinan ne’e fakuldade ekonomia universidade da paz lori departamentu ha’at mak: Jestaun, Bankaria, Kontabilidade no Emprendedorizmu ba akreditasaun programatika, nune’e mós ba fakuldade enjeñaria departamentu rua ne’e mak Arkitetura no Industria",dehan Reitór UNPAZ.
Nia esplika reuniaun ne’e, ita atu haree ba preparasaun husi fakuldade, liu-liu fundasaun, universidade, fakuldade programa estudu, senadu estudante, estudante ativu ba Antigus alunus, nomós estekolder sira, atu priense tuir indikadores sira ba akreditasaun programatika ne’ebé por volta de 135 indikadores.
Reitór salienta, haree ba fakuldade rua ne’e halo duni preparasaun ita hein kata, rezultadu avaliasaun akreditasaun ne’ebé mak sei hahu dia 27 ne’e bele lori rezultadu ne’ebé pozitivu ba universidade da paz, liu-liu ba fakuldade rua ne’e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
