REITÓR KONVOKA REUNIAUN HO ESTRUTURA FAKULDADE 6
Dili-27 de Fevereiru 2025 Universidade da Paz (UNPAZ) nia Magnífiku Reitór hamutuk ho estrutura Universidade hala’o reuniaun ho vise dekanu asuntu akademiku no xefe departamentu husi fakuldade 6, hodi ko’alia kona-ba preparasaun ezame klaran nomós pratika aprendizajen kampu (PAK) tinan 2025, iha Aula Prof. Dr. Lucas da Costa.
Reuniaun ne’e, Magnífiku Reitór UNPAZ, Dr. Adolmando Soares Amaral, Lic.Eco.,MM. relata reuniaun ida ne’e, atu define data ezame klaran ba estudante semester III,V no VII, bazeia ba reuniaun iha semana kotuk husi fakuldade sira relata kona-ba progresu aprendizajem nian, ne’ebé kada fakuldade sira aprezenta kuaze atinji ona bele tama ona ba ezame klaran.
Reitór esklarese data ba ezame klaran sei akontese iha dia 10-15 fulan Marsu 2025, depois de ezame estudante semester V mós sei prepara ba programa pratika aprendizajen kampus (PAK).
“PAK estudante sira ida-idak sei fila fali ba nia Munísipiu, Postu, Suku no aAdeia, hodi halo peskiza iha ida-idak nia Suku liu-liu ba eskola hahu husi ensinu baziku to’o ba pre-sekundariu no Sekundariu ne’ebé sei foku liu ba lingua Ingles, Português, Tetum inklui lian Melayu nomós siénsia ba Vida moris”,tenik Reitór.
Nia salienta, data ensaiu ba pratika aprendizajen kampu (PAK), sei realiza iha dia 25-29 Marsu 2025. No dia 07 de Abril 2025 desloka estudante sira ba ida-idak nia Munísipiu no dia 07 de Maiu 2025 remata atividade PAK, nomós estudante sira fila hikas mai iha Kampus Sentral.
Entretantu iha reuniaun ne’e, partisipa husi Magnífiku Reitór UNPAZ, Dr. Adolmando Soares Amaral, Lic.Eco.,MM. Pro-reitor ADRH. Vise-reitores sira, Vise dekanu husi Fakuldade 6 inklui Xefe departamentu sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
