REITOR HATAN BA PREOKUPASAUN INAN AMAN SIRA NIAN KONA-BA FATIN HELA LA SEGURU

REITÓR HATAN BA PREOKUPASAUN INAN AMAN SIRA NIAN KONA-BA FATIN HELA LA SEGURU

Dili-Universidade da Paz (UNPAZ) liuhusi Magnífiku Reitór, Dr. Adolmando Soares Amaral, Lic. Eco.,MM. halo esklaresimentu/hatan ba preokupasaun inan aman sira nian kona-ba fatin hela ne’ebé la seguru ba estudante sira ne’ebé hala’o pratika atividade kampu iha Raeoa, husi fakuldade enjeñaria ne’ebé foin dadauk akontese udan derepente ne’ebé akontese iha Paroquia São Miguel Arcanjo Padiae, iha ne’ebé estudante ida/rua halo viral iha sosiaol média, iha Nia Kna’ar fatin (22/02).

Deklarasaun husi Magnífiku Reitór UNPAZ, Dr. Adolmando Soares Amaral, Lic. Eco.,MM. hateten akontese foin dadauk ne’e ba fakuldade enjeñaria iha Padiae, fakuldade enjeñaria departamentu tolu, antes ida ne’e Reitór ho komisaun sira verifika hotu fatin sira, komu iha salaun laran ne’e manas entau estudante na’in hira ne’e lori kemping ba dada iha liur, maibe iha tempu ne’e udan tun derepente sira halai haluha sobu sira-nia kemping konsege bokon, maibe la’os sira toba iha ne’eba udan hoban sira to’o bokon ne’e informasaun lalos, tanba iha momentu akontesimentu dekanu fakuldade enjeñaria to’o kedas terenu hamutuk ho sira, para lori sira tama ba salaun laran.

Reitór esplika, fatin ne’ebé atribui ba sira hotu-hotu iha salaun laran, tanba sira sente manas entau iha momentu ne’e estudante na’in hira lori sira-nia kemping sai ba dada iha areadores paroquia nian, tanba ne’e ho udan derepente sira halai la sobu kemping, maibe iha estudante ida/rua mak halo viral ba ida ne’e, depois sira-nia inan aman haree, no agora sira preokupa los. Maibe atu hatete lolos ba inan aman sira katak, estudante 2700 ne’ebé koloka iha atividade pratika kampu iha Raeoa ne’e, sira hotu-hotu iha fatin ne’ebé mak dignu sira.

Komisaun nafatin garante ba sira, atu ho nune’e fatin ne’ebé di’ak ba sira-nia saúde, maibe akontesimentu ne’e akontese duni tanba udan tun derepente, la’os sira toba de’it iha liur udan hoban sira to’o sasan sira hetan estragus, ne’e lalos tanba iha momentu kalan ne’e, ha’u mós sei iha Oe-cusse no ha’u haruka kedas ekipa husi fakuldade enjeñaria to’o kedas iha fatin akontesimentu, tanba ne’e husu ba inan aman sira nomós estudante sira katak, universidade sei tau atensaun ba asuntu ida ne’e no agora ita rezolve.