REITOR ESPLIKA PROGRAMA (PAK) BA ESTUDANTE SIRA MOLOK DESLOKA BA RAEOA

REITÓR ESPLIKA PROGRAMA (PAK) BA ESTUDANTE SIRA MOLOK DESLOKA BA RAEOA

Dili-Universidade da Paz (UNPAZ) Nia Magnífiku Reitór, Dr. Adolmando Soares Amara, Lic. Eco.,MM. akompaña husi Komisaun sira hotu, hala'o Pembekalan/partilia informasaun ba estudante semester V ne'ebé kompostu husi Fakuldade neen, nu'udar bukae ida ba estudante sira, molok desloka estudante ho totál (2.700)ba Raeoa, hodi hala'o Pratika Atividade Kampu (PAK) durante semester ida nian, Iha Salaun José Kasimiru (15/02).

Magnífiku Reitór, Universidade da Paz, Dr. Adolmando Soares Amara, Lic. Eco.,MM. hatene ita harmoniza kurikulum tuir estandar kurikulum nasionál Ministériu Edukasaun, antes ne'e ita iha materia 78 ho todan kreditus 213 kreditus, maibé imi nia tempu ita harmoniza ona husi 213 ba 240 kreditus tuir estandar Ministeriu edukasaun husu ba ensinu superior privadu no Públiku.

Reitór Esplika, tinan ida ne'e, ita hahú ho programa ida Prátika Atividade Kampu (PAK), Prátika Atividade Kampu (PAK), katak, imi tun ba baze, ba moris hamutuk ho povu kada uma kain, sente saida mak sira sente, han saida mak sira han, no haree produsaun saida mak sira iha, ne'ebé susutenta sira-nia vida moris durante ne'e, depois de halo observasaun iha semana primeiru, semana segundu imi mai halo diskusaun iha imi nia departamentu, semana Terseiru imi ba fali fó solusaun liuhusi siénsia no Teknologia ne'ebé imi apriende. Inan aman sira menus informasaun sira ne'e, tanba ne'e imi iha responsabilidade moral, atu esplika ba inan aman sira, tanba imi mak apriende siénsia no Teknologia.

"Imi fila fali mai, lori dadus oin-oin, iha asuntus ekonomia, Saúde, agrikultura, ho seluk tan, dadus sira ne'e hotu imi sei dezenvolve iha imi nia relatoriu, no dadus ida ne'e nu'udar evidensia ida ba ita boot sira, bainhira ita boot sira tama ona ba semete VII, maka imi sei lori sofrementu inan aman sira nian ne'ebé imi hetan iha prátika kampu ne'e, atu ba deskute iha estájiu institusiinais ho ema sira ne'ebé planu orsamentu do estadu, katak ami sente no haree ho matan, problema mak ne'e, iha momentu ne'e sira tau osan, maka iha tempu ne'e kedas imi halo ona buat di'ak ba povu no rai ida ne'e, no ema sei dehan UNPAZ la'ós ko'alia de'it, maibé UNPAZ mai kedas ho dadus",dehan Reitór.

Entretantu iha atividade ida ne'e, Partisipa husi Magnífiku Reitór, Universidade da Paz, Dr. Adolmando Soares Amara, Lic. Eco.,MM. Responsavel Komisaun sira hotu, inklui Estudante Semester V ne'ebé kompostu husi fakuldade neen.