REITOR ABERTURA SEMINARIU NASIONAL IHA UNPAZ

REITÓR ABERTURA SEMINARIU NASIONAL IHA UNPAZ

Dili-Universidade da Paz (UNPAZ) nia Magnífiku Reitór UNPAZ, Dr. Adolmando Soares Amaral, Lic. Eco.,MM. abertura atividade Seminariu Nasional ho Tema Geral “Hamutuk Ita Hametin Prinsipiu Estadu Direitu Demokratiku Iha Timor-Leste Ida Justu No Prosperu", ne’ebé organiza husi Senadu Estudantil Geral UNPAZ, iha Salaun José Kasimiru (05/10/24)

Iha abertura Magnífiku Reitór UNPAZ, Dr. Adolmando Soares Amaral, Lic. Eco.,MM. hateten atividade seminariu importante tebes, ita labele ko’alia de’it iha sala laran kona-ba konseitu iha área judisiariu, maibe oinsa ita bele tau hamutuk ema sira ne’ebé durante ne’e investe ona tempu no enerjia ba apriende iha área judisiariu, oinsa mak sira bele fahe tutan ba ita iha momentu ida ne’e ba ita hotu.

“Ita la provoka sira maka matenek ne’ebé sira hetan iha momentu sira apriende, ita sei la hatene enkuantu ita la halo ativiodade seminariu atu aproveita sira-nia matenek. Ita tenki provoka ita nia matenek na’in sira ne’ebé durante ne’e investe sira-nia tempu no enerjia ba apriende iha área judisiariu, oinsa sira bele fahe tutan ba ita iha momentu sira hanesan ne’e”,dehan Reitór.

Líder masimu ne’e, husu ba estudante sira hotu aproveita didi’ak oportunidade hodi rona oradór sira ko’alia iha área judisiariu. Imi tenki sai estudante ne’ebé kreativu no nafatin ko’alia interese povu nian, maibe labele kahur ita bo’ot sira-nia interese iha laran, maibe ba timor ita hotu nia hamutuk mak bele halo buat ruma ba povu no rai ida ne’e.

Entretantu iha seminariu nasional ida ne’e, Oradór sira, Dosente, Funsionariu, Estudante Universitariu hanesan, UNTL, UNITAL, UCT, UNDIL, IOB, ISFIT, DIT, UNEUMER, No Organisaun sira seluk inklui uma na’in UNPAZ.