PROGRAMA SAUP UNPAZ REALIZA SESAUN DISKUSAUN PAZ

PROGRAMA SAUP UNPAZ REALIZA SESAUN DISKUSAUN PAZ

Dili-Universidade da Paz (UNPAZ) liuhusi Programa SAUP UNPAZ realiza sesaun diskusaun paz ho tema “Importansia Dezenvolvimentu Edukasaun ba Paz no Seguransa iha Timor-Leste, iha Aula Prof. Dr. Lucas da Costa (22/11).

Xefe Departamentu Estudu ba Paz, Sra. Rosalia dos Santos, hateten estudante sira hotu ne’ebé mak marka prezensa iha atividade ida ne’e, aproveita didi’ak ita bo’ot sira-nia tempu no koñesimentu, tanba programa ida ne’e, importante tebes ita bele halo diskusaun ho ita bo’ot sira nia koñesimentu liu-liu paz ninian iha ita nia moris lor-loron.

Nia hatutan, ita hotu ne’ebé marka prezensa iha ne’e, maske ho área oi-oin nu’udar ema umanu, ita presiza paz iha ita nia moris, tanba ne’e ita bo’ot sira uza didi’ak oportunidade ida ne’e, tanba pela primeiraves ita hala’o iha UNPAZ, liu-liu ba diskusaun ba paz.

“Hanesan ema akadémiku presiza tebes halo dikusaun ba paz, hodi fahe koñesimentu ne’e ba malu hodi prepara a’an di’ak liu tán ba aban bairua, sai líderansa ida karaik, líderansa ne’ebé mak preparadu, haree ba situasaun real ne’ebé mak akontese, foti sai hanesan lisaun ita bele aprende, nune’e ita bele hadia buat ruma iha nasaun ida ne’e”,tenik Xefe Departamentu.

Entretantu iha diskusaun ne’e, Panelista na’in tolu mak hanesan, Estudante Ferdinando Tonies, husi FCSH, Departamentu Estudu ba Paz, Estudante joão Paulo Lopes, husi Fakuldade Direitu, Estudante Dirson Imaculada do Carmo Rico, husi FCSH, departamentu Estudu ba Paz, nomós Observador na’in rua hanesan, Dosente ida husi (RI) Anzerino Veira, no Eugenia Correia, M.A Peace Study, no moderador Sra. Juvita P. Faria, M.A.

Partisipa iha eventu diskusaun ne’e, Estudante husi Fakuldade CSH, Departamentu: Relasaun Internasional, Estudu ba Paz, Estudante husi Fakuldade Direitu, Estudu Polílitika Públika, estudante Administrasaun Públika, nomós ekipa husi Programa SAUP UNPAZ inklui Ekipa JPF Potcast Chanel.