![PROGRAMA SAUP UNPAZ REALIZA DISKUSAUN PAZ](https://unpaz.tl/asset/foto_berita/232.jpg)
PROGRAMA SAUP UNPAZ REALIZA DISKUSAUN PAZ
Dili-Universidade da Paz (UNPAZ) liuhusi ekipa programa SAUP UNPAZ realiza diskusaun kona-ba paz ho objetivu prinsipal maka, atu halibur hanoin hamutuk, no utiliza hanoin ida ne’e, hodi reforsa malu nomós sai autór ba paz, iha Aula Prof. Dr. Lucas da Costa (23/11)horseik.
Xefe Departamentu RI, UNPAZ, Sr. João Francisco Maia, Lic.CSH., MDS. agradese no obrigadu wa’in ba ekipa SAUP ne’ebé mak ho inisiativa bele organiza atividade ida ne’e, agradese mós ba estudante sira hotu liuliu sira husi eskola sekundaria AN-NUR ne’ebé mak iha vontade di’ak no disponivel, maske loron tomak, ita bo’ot sira nafatin antuajizmu hodi partisipa iha diskusaun ba promove paz, nomós agradese ba ekipa panelista, ne’ebé iha oportunidade hodi mai partilla hanoin ruma kona-ba paz ninian.
“Iha biban ida ne’e ha’u fiar katak, ita ida-idak fila fali ba uma, boka’e ne’ebé ita lori mak, nosaun ba paz, hanesan respeita malu kria dialogu, tane as valor-valor, ida ne’e la’os ikus ba ita, maibe ita foin mak hahu ho pasu ida para nune’e, ita bele hakat ba oin, ho ita na’in hira nia vontade no hakrak, ha’u fira katak, ita bele influensia no konvensa tán maluk sira seluk hakat tuir ita nia ain fatin hodi sai autór ba paz”,tenik Nia.
Nia salienta liu tán, nafatin kaer alin estudante nia liafuna katak, lo’os duni ita ituan ita labele halo buat ida, maibe ho ita nia fiar, ha’u fiar katak buat hotu-hotu sei posivel, lo’os duni katak, esperansa ne’e kbi’it ida hanesan ita bele haree naroman iha nakukun nia laran, maibe ita iha vontade ne’ebé di’ak duni hakarak duni atu transforma sosiedade sai sosiedade ida ne’ebé mak hadomi paz, ha’u fiar katak, neneik ba beibeik ita sei sai duni ajente ba paz, la’os ita na’in hira ne’e de’it, maibe ita sei sai ezemplu ne’ebé mak di’ak ba sosiedade hotu.
Entretantu iha seminariu ne’e orador prinsipal na’in tolu husi, Xefe Departamentu RI, Sr. João Francisco Maia, Lic.CSH., MDS, hDosente (RI),Sr. Anzerino Veira Dirson Imaculada do Carmo Rico. Partsisipa iha semináriu ne’e, estrutura husi FCSH, estudante sira husi Eskola Sekundaria Jerál An-Nur Dili nomós estudante sira husi departamentu Estudu da Páz, mós organiza husi ekipa Programa SAUP UNPAZ.