PROGRAMA SAUP REALIZA SEMINARIU NO PROMOVE PAZ

PROGRAMA SAUP REALIZA SEMINARIU NO PROMOVE PAZ

Dili-Universidade da Paz (UNPAZ) liuhusi Programa SAUP realiza seminariu ho tema jeral ”Hamutuk Hari’i no Dezenvolve Paz iha Komunidade, iha Aula Prof. Dr. Lucas da Costa (11/02)Horseik.

Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. ne’ebé reprezenta Magnifiku Reitór, hateten, atividade ohin ita hamutuk halo seminariu kona-ba hari’i Paz, oinsa promove Paz iha Timor-Leste liuhusi edukasaun sira, iha seminariu ne’e envolve mós Xefe Suku sira nomós ajensia no instituisaun sira ne’ebé iha esperiensia kona-ba rezolve komflitu nomós harii Paz.

Nia hatutan, Sira hotu sei mai partilla sira nia esperiensia, no ita hamutuk sei sai ajente ba paz nian, tanba iha Universidade da Paz nia naran mós paz, tanba iha Fakuldade ida nia Departamentu mós iha kona-ba Estudu da Paz, iha nivel Lisensiatura.

“Iha tempu badak Universidade da Paz sei loke programa Mestradu ba iha Programa estudu da Paz no seguransa”, Vice Reitór Asuntu Akadémiku, Sr. Joaninho.

Ita realiza seminariu ne’e tanba ita haree ita nia nasaun foin sai husi pos komflitu, importante tebes ita tenki kria dialogu nafatin atu habelar informasaun nafatin kona-ba paz ne’e ba iha sosiedade tomak iha ita nia teritoriu, rezultadu husi dialogu ne’e ita sei kopera ho CNC, ita nia estudante sira sei ba halo estajiu profisional iha ne’eba, oinsa sai ajente ba paz, Nia esplika.

Sekretariu jeral, G7+ Dr. Helder da Costa, sente ondra bo’ot ha’u nia ekipa bele kolobora hamutuk hodi halo parseria ho SAUP UNPAZ, hodi bele organiza eventu ida ne’e, seminariu ohin loron, ho tema Dezenvolve no Hari’i Paz hamutuk ho komunidade, UNPAZ ho objetivu dezenvolve hari’i no hametin paz ba komunidade iha Timor-Leste.

“Orgullu tebes primeiru iha Timor-Leste, ita iha Universidade da Paz, tanba iha nasaun sira seluk mós sempre iha kona-ba programa Paz, iha nasaun sira ne’ebé de’it sempre iha instituisaun lori paz, nudar nia lema hodi halibur no habelar ba nia komunidade, la iha paz la iha dezenvolvimentu, la iha dezenvolvimentu la iha mós paz, buat rua ne’e tenki la’o hamutuk”,dehan Dr. Helder.

Aliende ne’e, Diretór Centu Nasional Chega (CNC), Sr. Hugu Fernandes, akresenta, uniku iha mundu ne’e pais rua mak foin sai husi historia pasadu ne’ebé nakonu ho lisaun moruk sira, maibe bele laran luak neon nakloke hakarak tur hamutuk, para depois bele rezove sira nia pasadu, mak Timor-Leste ho Indonesia, ne’ebé sai exemplar ida ba mundu, oinsa mak hari’i paz no rekonsialasaun.

“Uiversidade da Paz tenki sai embaixadór da Paz nian iha Timor-Leste”, haktuir Diretór Centu Nasional Chega (CNC), Sr. Hugu. Sekretariu jeral, G7+ Dr. Helder da Costa, ho Ekipa,

Sorin seluk, Diretór Diresaun Nasional Prevensaun Komflitu Komunitaria, Sr. Antonio Viegas, agradese tebes bele komvida ona ami mai fahe esperiensia liga ho esperiensia komflitu ne’ebé durante ne’e ami akomña iha Timor-Leste.

“Orgullu tebes ita bele hamutuk fahe esperiensia ba malu, nune’e ba futuru bele redusaun ba komflitu ne’ebé mak akontese iha ita nia ra”, Nia Subliña.

Partisipa iha atividadee refere, Vice Reitór Asuntu Akadémiku, Sr. Joaninho Xavier Hei, Lic. CSH.,M.Ed. ho estrutura Universidade, Sekretariu jeral, G7+ Dr. Helder da Costa, Diretór Centu Nasional Chega (CNC), Sr. Hugu Fernandes, ho ekipa, Diretór Diresaun Nasional Prevensaun Komflitu Komunitaria, Sr. Antonio Viegas, ekipa, Autoridade Lokal sira, Komvidadus, Estudante UNTL, UNDIL, inklui estudante UNPAZ.