PROGRAMA MESTRADU RI HAHU ESTABELESE

PROGRAMA MESTRADU RI HAHU ESTABELESE

Dili-Universidade da Paz (UNPAZ) bazeia ba desizaun senadu universidade liuhusi Magnífiku Reitór UNPAZ, Dr. Adolmando Soares Amaral, Lic. Eco.,MM. ho estrutura, hodi deside katak, Progarma Mestradu Relasaun Internasional (RI) tenki hahu estabelese fila fali iha Universidade da Paz, desizaun ne’e foti iha loron Sabadu (01/06/24), Semana kotuk liuba.

Bazeia ba rezultadu husi desizaun ne’ebé iha, maka senadu universidade, deside mós Vise Reitór Asuntu Koperasaun Interna no Externa, Sr. Luis Pereira Cardoso, Lic, CSH.MA.,Mcs. sai núdar Xefe Programa Mestradu Relasaun Internasional, hodi responsabiliza ba programa estudu refere.

Ohin Xefe Programa Mestradu Relasaun Internasional, Sr. Luis Pereira Cardoso, Lic, CSH.MA.,Mcs. hamutuk ho Vise Reitór Asuntu Programa Mestradu no Doutoramentu, Dr. Martinus Nahak, AMKL, Lic, SP.,M.AP.,M.SP. hala’o reuniaun ho Kandidatu Estdante foun programa mestradu Relasaun Internasiona, iha Aula Prof. Dr. Lucas da Costa (15/06/24). No tuir planu semana oin sei halo teste potensia akadémiku ba estudante sira.