PROGRAMA MESTRADU DOUTORAMENTU REALIZA AULA PRIMEIRU HUSI ADMINISTRASAUN PUBLIKA

PROGRAMA MESTRADU DOUTORAMENTU REALIZA AULA PRIMEIRU HUSI ADMINISTRASAUN PÚBLIKA

Dili-Universidade da Paz (UNPAZ), liuhusi Programa Mestradu no Doutoramentu hala'o Aula primeiru husi Administrasaun Públika nian, iha Aula Mestradu (12/10/23).

Vice Reitor Assuntu Programa Mestradu Doutoramentu Dr. Martinus Nahak Linu, AMKL, Lic.SP., MAP., M.SP, hateten ohin ita hala’o ona programa mestradu ba doutoramentu nian, ne’ebé uluk ita halo iha Novo Turismo no ohin loron estudante sira komesa hahu ona aula primeiru husi doutoramentu administrasaun públika nian, ne’ebé Prof. Alon Livery nia hanesan dosente senior iha UNDANA Kupang ne’ebé mós sai hanesan peritus iha siénsia administrasaun públika ninian, tanba ne’e ohin hahu ona aula to’o sabadu e depois fila-fali ba Kupang iha domingu, ne’ebé durante loron hira ne’e prof iha ne’e hodi bele hanorin tuir orariu ne’ebé iha.

"Ho ida ne'e, depois aban mós sei hahu tan aula ba doutoramentu husi Direitu ninian prof husi Udayana Bali nain rua sira maka sei mai, no aban hahu ona aula ba programa doutoramentu nian, ne’ebé ha'u hanoin Universidade da Paz ita iha komitmentu forti oinsa mak atu bele garantia prosesu ida ne’e, ba programa doutoramentu ida ne’e atu bele susesu iha Universidade da Paz nomós ba ita nia nasaun RDTL, tanba ne’e lalika halo konfuzaun perguntas bar-barak maibé servisu mak resposta ba realidade, depois kualidade ne’e determina husi dosentes sira ne’ebé mak hanesan prof Dr, sira ne’e iha mundu tomak kuandu Prof. Dr. Senior sira hanesan ne’e akademikamente ne’e la iha ragu-ragu, tanba ne’e kualifikasaun internasional"Tenik husi Vice Reitor Assuntu Programa Mestradu no Doutoramentu, Dr. Martinus"

Entretantu partisipasaun iha Aula Primeiru Programa Mestradu Doutoramentu husi Administrasaun Públika nian ne'e, Vice Reitor Assuntu Programa Mestradu Doutoramentu Dr. Martinus Nahak Linu, AMKL, Lic.SP., MAP., M.SP, ho nia Funsionariu sira nomós Dekanu FCSH, Dr. Fernando Dias Gusmão, A.Md., S.IP., MAP. Inklui mós estudante sira.