PROGRAMA ESTUDU RELASAUN INTERNASIONAL HAKAT BA REAKREDITASAUN

PROGRAMA ESTUDU RELASAUN INTERNASIONAL HAKAT BA REAKREDITASAUN

Dili-Universidade da Paz (UNPAZ) liuhusi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) hala'o avaliasaun no akreditasaun ba programa estudu Relasaun Internasional ne’ebé hakat ba re-akreditasaun grau Lisensiatura iha (UNPAZ) durante loron rua hahu (11-12 Outubru 2024), iha avaliasaun ida ne'e reprezenta avaliador internasional nomós Nasional, Iha Aula Prof. Dr. Lucas da Costa (11/10/24).

Objetivu husi avaliasaun no akreditasaun ida ne'e, atu asegura elijibilidade no kualidade programa estudu Relasaun Internasional. Prosessu avaliasaun no akreditasaun ne’e haktuir ba padraun i kriteriu husi ANAAA no durante avaliasaun ida ne'e avaliador sira sei observa direta no halo konfirmasaun ba entidade sira relasiona ho relatóriu auto-avaliasaun ba kursu relasaun internasional ne’ebé submete ba ANAAA.

Dekanu FCSH, Dr. Fernado Dias Gusmão, A.Md.S.IP.,M.AP. hato’o agradase no obrigadu tebes avaliador sira, ohin loron bele hasoru malu ho ekipa avaliador no akreditasaun husi ANAAA nian ne’ebé mai halo avaliasaun ba programa estudu relasaun internasional ne’ebé hakat ba reakreditasaun ba daruak nian.

Dekanu esplika, departamentu relasaun internasional ultímu akreditasau iha tinan 2018 kondiasaun iha FCSH departamentu relasaun internasional seidauk preparadu didi’ak iha tinan lima liubá, tanba iha momentu ne’ebá atividade sira ne’ebé hala’o seidauk bele suporta ho mata dalan no SOP sira inklui infraestrutura mós limitadu, maibe agora departamentu relasaun internasional avansa ona lubuk ida ona. Iha 2019 ultimu no 2020 inisiu ami prepara mata dalan no SOP sira lori guia prosesu aprendizajen FCSH liuliu iha departamentu relasaun internasional, nune’e bele suporta prosesu aprendizajen bele la’o ho di’ak.

“Husi kondisaun sira ne’e hotu atu hasa’e estudante nia koñesimentu iha departamentu relasaun internasional ne’ebé di’ak liu maka, iha tinan ida liubá ami harii aula espesial ba estudante relasaun internasional ne’ebé prosesu aprendizajen hotu ho lian ingles, tanba ne’e departamentu relasaun internasional ohin loron protu atu halo diskuasaun ho ekipa avalidor no akreditasaun nian, hodi hetan ojetivu ida ne’ebé di’ak liu ba futuru”,dehan Dekanu FCSH.

Entretantu iha avaliasaun no akredutasaun ba loron dahuluk ne’e, partisipa husi Diretor Ezekutivu ANAAA, I.P. Dr. Nilton Diamantino Paiva Mau, Ph.D. Avaliador, Prof. Dr. Michael Tomlinson. Mr.Niall Almond. Mr.Jonianto Monteiro. Ekipa Husi ANAAA, Vise Reitores sira, Dekanu Fakuldade 6, Xefe Departamentu sira, Pro-Reitor, Diretor Unidade sira Dosente, Funsionariu inklui Alumi, Stay Holder, Estudante ativu sira.