PROGRAMA DOUTORAMENTU DIREITU HAHU ONA AULA BA DAHULUK
Dili-Universidade da Paz (UNPAZ) nia Programa Doutoramentu Direitu ohin hahú ona aula ba dahuluk ho Prof. Dr. I Nyoman Putu Bidiarto, SH.,MH. Nomós Prof. Dr. Putu Gede Arya Sumerta Yasa.
Vice Reitor Assuntu Programa Mestradu no Doutoramentu Dr. Martinus Nahak Linu, AMKL, Lic.SP., MAP., M.SP, hateten uluk ita halo ona abertura ba programa doutoramentu iha Novo Turismu, tanba ne'e ohin Prof. husi Udayana Bali na'in rua, ida husi Dekanu Direitu husi Udaiana Bali nian no ida husi ka Prodik Udayana Bali, ohin komesa hahú ona materia ba estudante programa doutoramentu nian. Prof. Sira hanorin sei to semana oin mak foin remata.
"Husu ba públika katak, Universidade da Paz, loke ona programa doutoramentu ba programa rua, Programa Doutoramentu Administrasaun Públika, no Direitu, ida seluk mak, Jestaun Estrategia, ne'ebé UNPAZ servisu hamutuk ho Universitas Katoli Widya Mandala Surabaya",dehan iha Nia kna'ar fatin (13/10).
Entretantu estudante programa doutoramentu ba Ciensia Direitu na'in (10) no Administrasaun Públika na'in (9).
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
