PROF. GERY HUSI TEXAS A&M UNIVERSITY FAHE ESPERIENSIA AKREDITASAUN NIAN BA ESTRUTURA NO DOSENTE SIRA

PROF. GERY HUSI TEXAS A&M UNIVERSITY FAHE ESPERIENSIA AKREDITASAUN NIAN BA ESTRUTURA NO DOSENTE SIRA IHA UNPAZ

Dili-Universidade da Paz (UNPAZ) liuhusi Texas A&M university Prof. Gary Wingenbach, PhD, ohin fahe esperiensia kona-ba akreditasaun iha Texas A&M university nian ba iha estrutura universida nomós dosente sira, oinsa maneira preparasaun hodi hakat ba akreditasaun instituisaun nian, iha Aula Prof. Dr. Lucas da Costa (24/07).

Iha fatin hanesan Vise Reitor Asuntu Akadémiku, Sr. Joaninho Xavier Hei, Lis. CSH.,M.Ed. hateten ohin ko’alia kona-ba institutional evaluation, ne’ebé Prof. Gary fahe esperensia kona-ba akreditasaun iha Texas A&M university ne’ebé sira hala’o iha ne’ebá, estandar universidade ninian sira prepara tiha, primeiru ninia vizaun, misaun, objetivu, planu estratejia, no padraun sira ka estandar sira ne’e sira prepara depois tau mós iha sira nia website, husi ida ne’e mak painel sira mai entrega ka dirije ona ba sira hodi haree uluk ba link universidade nian, sira tama ba asesu informasaun sira ne’ebé hanesan, ohin ohin temi molok sira mai atu halo avaliasaun.

“Bainhira sira mai, sira tenki apar tiha vizaun, misaun, objetivu, planu estratejia nomós padraun ka estandar sira ne’ebé universidade nian, bainhira sira apar tiha, sira mai haree de’it evalua bazeia ba buat sira ne’ebé sira haree tiha ona, karik maioria husi fakuldade, universidade, fakuldade departamentu, to’o dosentes sira la’o tuir duni ka lae, se la’o tuir padraun ne’ebé iha, sira bele hetan valor ne’ebé ke di’ak, padraun sira ne’ebé tau tiha ona, mak sira lala’o tuir ne’e, sira iha failansu iha valor, tanba maioria tenki haree bazeia ba padraun ne’ebé iha tiha ona, labele painel sira ne’e mai hodi fali sira nia pensamentu husi liur ne’eba, nia tenki ser mai haree lai ba padraun ne’ebé universidade estabelese”,dehan Vise hafoin remata diskusaun.

Atividade refere, partisipa husi estrutura unversidade hanesan Vise Reitor, Dekanu ho estrutura fakuldade nian, inklui dosente sira husi fakuldade neen iha universidade da paz.