#UNPAZ# 22 OUTUBRU 2021
PRO- REITÓR ASUNTU KOPERASAUN HALO SORUMUTU HO PREZIDENTE RTTL EP HODI HAMETIN KOPERASAUN
Dili-Universidade da Paz (UNPAZ), liuhusi Pro- Reitór Asuntu Koperasaun Externa no Interna Sr. Luis Pereira Cardoso, Dip. Cs.,Lic. CSH.,MA.,Mcs, hala’o sorumutu ho Prezidente RTTL EP, atu oinsa iha koperasaun ida hodi fasilita Funsionariu sira iha RTTL EP atu halo eatudu iha UNPAZ.
Relasiona ho sorumutu iha edifisiu RTTL EP (22/10), Pro Reitor Asuntu Koperasaun, hateten, RTTL EP mós sei kopera ho UNPAZ ba iha área peskiza balun ne’ebé relasiona ho persepsaun ba komunidade ninian ba iha RTTL EP liu-liu kona-ba asesu informasaun sira ne’ebé fó sai ligadu ho programa sira.
“Funsionariu sira husi RTTLEP ne’ebé atu hala’o estudu iha UNPAZ hamutuk 48 pesoas, ida ne’e hanesan oportunidade di’ak ba sira atu hala’o estudu iha UNPAZ, espera katak ho sorumutu ba koperasaun ida ne’e iha tempu badak sei liuhusi asina nota entendementu”,tenik Pro Reitor Asuntu Koperasaun.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
