![PRIMEIRU REUNIAUN ESTRUTURA KAMPUS RAMU COVALIMA HAMUTUK HO ALUMI UNPAZ](https://unpaz.tl/asset/foto_berita/913.jpg)
PRIMEIRU REUNIAUN ESTRUTURA KAMPUS RAMU COVALIMA HAMUTUK HO ALUMI UNPAZ
Dili-Universidade da Paz (UNPAZ) nia kampus ramu Covalima hala’o Primeiro Reuniaun Estrutura Kampus Ramun Covalima Hamutuk Ho Alumi UNPAZ, Ne'ebé realiza direita husi Diretor Kampus Sanak Covalima Sr. Silvester Ferreira, Lic.Eco.,MM. hamutuk ho Koordenador no korpus dosente sira ne'ebé destekadu, iha Kamnpus Ramu UNPAZ Covalima(25/02).
Iha reuniaun ida ne'e, Alumni sira hato’o mós idea no preokupasaun ne'ebé durante ne'e Kampus Sanak Covalima infrenta, alende ne'e alumni sira mós senti Orgullu no fó apresiasaun ba kampus sanak UNPAZ ne'ebé involve direita Alumi sira iha kualker atividades no asigura nafatin polítika Universidade nian ba iha futuro.
Asaun real ne'ebé Alumi sira fó no tulun ba Kampus Sanak Covalima ho komitmentu ida forte hodi fó nafatin Kontribuisaun ba Dezenvolvimentu Edukasaun nivel Ensinu Superior iha Munisipiu Covalima liu husi Existensia Universidade da Paz nian, hodi fó nafatin apoiu ba Covalima oan sira liuhusi edukasaun ne'ebe kualifikadu no profesionalismo iha area oi-oin liu husi Kampus Sanak Covalima.
Hanesan Covalima oan Orgullu no Agradese tanba mehi ba dezenvolvimentu munisipiu hahu husi rekursu humanu, tanba pilar importante ba dezenvolvimentu hahu husi baze edukasaun ne'ebé forte e mais maduru ho kualidade edukasaun ne'ebé forte. Tanba edukasaun mak xavi ba dezenvolvimentu.