PREZIDENTE KRAM SAI ORADOR BA ORIENTASAUN LORON DATOLUK NIAN

PREZIDENTE KRAM SAI ORADÓR BA ORIENTASAUN LORON DATOLUK NIAN

Dili-Universidade da Paz (UNPAZ) hetan orador prinsipal husi Prezidente Komisariu Reguladora Arte Marsiais (Kram) Sr. Octávio da Conceição, sai oradór primsipal iha orintasaun ba loron datuluk nian, hodi ko’alia kona-ba “Papel Gram iha Timor-Leste”,iha Salaun José Casimiro (28/02).

Oradór ne’e hateten UNPAZ nu’udar fatin ba Timoroan barbarak ne’ebé atu mai buka matenek , tan ne’e, estudantes sira labele lori tama organizasaun arte marsiais ka arte rituais ruma hodi hatudu fíziku ba malu iha fatin Universidade da Paz, maibé fatin ida ne’e atu hatudu téknika ba malu, liuhusi apriende siénsia no teknlogia mak fatin Universidade da Paz.

“UNPAZ nu’udar fatin ne’ebé timoroan mai buka matenek, maske imi estudantes barak mak hamutuk iha fatin ida ne’e no ami labele koñese ida-ida, maibé karik imi balun iha organizasaun arte marsiais no arte rituál ruma labele lori tama mai iha Universidade, tanba UNPAZ fatin atu apriende no buka matenek, la’os fatin atu hatudu forsa no fízika ba malu, maibé fatin atu hatudu téknika ba malu liuhusi debate no halo diskusaun ne’e mak dehan matenek”,tenik Prezidente Kram.

Oradór ne’e dehan, tinan ida ne’e númeru estudantes ne’ebé bo’ot no todan ba magnífiku reitór atu jere no tau-matan ba imi. Maibé parte ida ha’u ko’alia hanesan konsellu disiplinar ne’ebé tau-matan no ko’alia kona-ba atitude hotu-hotu husi estudantes, dosentes no funsionáriu sira halo. Husu imi-nian disiplina respeita imi nia dosentes no rona mós imi nia bin-maun sira wainhira orienta imi, pasiénsia ba iha apriende nia laran no labele arogánsia, se wainhira ita hatudu ita nia arogante, mak ita estuda sei la tama ita-nia kakutak, tan ne’e aproveita ba oportunidade ne’ebé iha no fatin ne’ebé mak imi sei tuur hodi apriende.

Prezidente Cram-TL ne’e mós husu ba estudantes sira katak Organizasaun arte marsiais no arte rituais sira iha kampus ne’e hotu-hotu iha no sira ne’e la’os aat ka la’os buat ladi’ak ida maibé hirak ne’e nu’udar modalidade desportivu ida. tan ne’e labele uza sala nomós labele uza sala nia fatin. Tanba unpaz nu’udar fatin ba paz, Unpaz fatin hadomi malu, Unpaz fatin Demokrásia no Unpaz fatin dezenvolvimentu ba futuru.

Entretantu iha eventu ne’e, Partisipa husi Prezidente Komisariu Reguladora Arte Marsiais (Kram) Sr. Octávio da Conceição. Komisaun sira hotu inklui Sivitas akadémiku Universidade da Paz.