PREZIDENTE INSCIDA (HIV-SIDA) HALO PALESTRA BA ESTUDANTE FOUN SIRA IHA UNPAZ

PREZIDENTE INSCIDA (HIV-SIDA) HALO PALESTRA BA ESTUDANTE FOUN SIRA IHA UNPAZ

Dili-Universidade da Paz (UNPAZ) liuhusi Prezidente INSCIDA (HIV-SIDA) Rev.Sr. Daniel Marcal, halo aprezentasaun kona-ba "Kombate Moras HIV-SIDA iha Timor-Leste"ba Estudante foun tinan akadémiku 2024, iha Salaun José Casimiro (27/02).

Prezidente ne’e hateten, imi hotu ne’ebé hola parte iha Universidade da Paz, atu alkansa vida ne’ebé mak di’ak liu ba iha futuru, imi hotu mai iha ne’e, tanba imi nia mehi hakarak sai ema ida ne’ebé di’ak iha futuru nomós imi hakarak sai inan di’ak no aman di’ak iha futuru no sai oan di’ak no sai sisidadaun ida di’ak. Husi imi bele aijuda ema barak no husi imi bele halo buat di’ak ba ema barak.

Orador ne’e, Agradese ba estrutura universidade no komisaun sira hotu, ne’ebé fó ona oportunidade ba INSCIDA (HIV-SIDA, hodi mai partilla informasaun kona-ba moras (HIV-SIDA) nian ba estudante sira, atu bele koprende ho di’ak, nune’e sira bele halo prevensaun ba ida-idak nia an, atu bele alkansa mehi ne’ebé iha.

"Estudante sira tenki, hatene HIV, HIV hadaet halo nusa no prevene halo nusa, ne’e bele asegura imi nia estudu to’o remata, maibe imi la hatene buat sira ne’e hotu, imi nia gostu sei destroi imi nia futuru, tanba ema rihun rua lima nulu sofre HIV, tanba ne’e husu ba estudante sira atu hadok an husi moras sira ne’e, nune’e bele alkansa imi nia objetivu",dehan Oradór Daniel.

Entretantu iha eventu ne’e, Modera husi Diretor Kreativu no Inovativu, Sr. Hernanio Costa, Lic, SP.,Cad. MSST. Partisipa husi Prezidente INSCIDA (HIV-SIDA) Rev.Sr. Daniel Marcal. Ho ekipa, Komisaun sira hotu inklui sivitas Akadémiku sira hotu iha Universidade da Paz.