POLEMIKA NEEBE MAKA IHA UNPAZ HO MESSK IHA ONA SOLUSAUN

POLEMIKA NE'EBÉ MAKA IHA UNPAZ HO MESSK IHA ONA SOLUSAUN

Dili,6 Maiu 2025 - Universidade da Paz (UNPAZ) liuhusi Konsellu Administrasaun Fundasaun Neon Metin hamutuk ho Estrutura senadu Universidade no senadu fakuldade, hala'o konferensia imprensa, hodi anunsia ba públiku ligadu ho polemika ne’ebé akontese loron hirak liu ba entre MESSK ho UNPAZ, ligadu ho rezolusaun husi MESSK.

Iha Konferénsia imprensa ne’e, Magnifiku Reitór UNPAZ, Dr. Adolmando Soares Amaral, Lic,Eco,. MM, hateten dezentendimentu entre Ministru Ensinu Superior Siensia no Kultura (MESSK) ho Universidade da Paz Kona-ba rezolusaun.

Ho maromak nia tulun ohin Prezidente Konsellu Administrasaun Fundasaun Neon Metin hamutuk ho Magnifiku Reitór halo ona enkontru ho Ministeriu Ensinu Superior Siensia no Kultura (MESSK), hodi apar ho rezolusaun ne’e.

Ministeriu Ensinu Superior Siensia no Kultura (MESSK) halo esplikasaun katak, kursu ne’ebé iha ona kontinua la’o no kursu ne’ebé mak fó ona koñesimentu ba Ministeriu agora halo estudus viabilidade kontinua la’o.

Iha konferensia ne'e reforsa tan katak, Programa Doutoramentu iha UNPAZ maka Ministru husu, uza opasaun B oinsá atu prepara kondisõens hotu, atu halo reavaliasaun ba segunda faze hodi nune'e bele hetan lisensia operasional ba kursu doutoramentu iha UNPAZ.

Prezidente Konsellu Administrasaun Fundasaun Neon Metin (FNM) ho Universidade da Paz, intende ona, ligadu ho esplikasaun husi MESSK nian ba kursu sira iha Universidade.

Prezidente Konsellu Administrasaun Fundasaun Neon Metin (FNM) , hateten, polemika ne’ebé akontese, tanba iha mis-komunikasaun bain hira Ministeriu Ensinu Superior Siensia no Kultura (MESSK), lori rezolusaun ba iha konsellu Ministru tuir loloos dahuluk enkontru lai ho konsellu Reitores, nune’e hodi rona lai konsellu reitores sira-nia hanoin.

Deklarasaun sira ne’ebé la’o durante konferensia imprensa ne’ebé mak iha fó hanoin ba malu katak, ba timor atu dezenvolve kualidade iha ensinu superior labele Ministriu mesak, maibe tenki ho ninia Parseiru estratéjiku sira hanesan Ensinu superior privadu sira.

Ohin intende malu ona lia husi esplikasaun MESSK no hetan ona desizaun katak, kursu sira ne’ebé maka durante ne’e iha kontinua la’o, maibe abertura ba kursu foun maka labele iha tan no ne’ebé mak eziste kontinua la’o sira ne’ebe maka fó ona koñesimentu ba Ministeriu Ensinu Superior Siensia no Kultura (MESSK) iha hela faze estudu viabilidade.

Desizaun ida ne’e UNPAZ simu, tanba Ministru hateten ona katak, kursu sira ne’e nafatin la’o ho nune’e mak Universidade da Paz agradese ba média sira ba iha kobertura ida ne’e.

Kona-ba opsaun B ba programa Doutoramentu ohin diskusaun ho Ministeriu Ensinu Superior Siensia no Kultura (MESSK) katak, estudante Doutoramentu sira prosesu aprendizajen bele la’o nafatin iha UNPAZ, maibe kontinua mós servisu hamutuk ho Universidade sira iha rai liur liu-liu ba Siensia Direitu tenki servisu hamutuk ho Universidade Udayana Bali no Administrasaun Públika tenki servisu hamutuk ho Undana Kupang, nune’e estudante sira bele kontinua sira-nia estudu ba finaliza sira-nia proposta disertasi iha Universidade rua ne’e.

Durante prosesu aprendizajen iha UNPAZ professor sira tenki mai husi Universidade rua ne’e, no tenki hetan koñesinentu husi sira-nia Reitór no Universidade da Paz, tenki fó koñesimentu ba Ministeriu Ensinu Superior Siensia no Kultura (MESSK), ida ne’e mak opsaun segundu ba programa Doutoramentu iha Universidade da Paz.

Partisipa iha konferensia imprensa ne'e husi Prezidente Konsellu Administrasaun Fundasaun Neon Metin (FNM), Eng. José Menezes, M.Food.Tech. Magnifiku Reitór UNPAZ, Dr. Adolmando Soares Amaral, Lic,Eco,. MM, ho estrutura Senadu Universidade no Senadu Fakuldade inklui funsionariu Universidade da Paz, iha Aula Prof. Dr. Lucas da Costa.