PNTL HALO SENSIBILIZASAUN PLANU PSIKOSOSIAL BA DEZENVOLVIMENTU NASIONAL IHA UNPAZ

PNTL HALO SENSIBILIZASAUN PLANU PSIKOSOSIAL BA DEZENVOLVIMENTU NASIONAL IHA UNPAZ

Dili, 24 Abril 2025 - Universidade da Paz (UNPAZ) hamutuk ho Polisia Nasional Timor-Leste Komandu Geral Diresaun liu husi Polisiamentu Komunitariu, halao “Asaun Sensibilizasaun Planu Psikososial Ba Dezenvolvimentu Nasional” ba estudante sira, iha Aula prof. Dr. Lucas da Costa.

Objetivu husi atividade ida ne’e, oinsa halibur hanoin hamutuk liu husi entidades hotu-hotu inklui estudante sira hanesan jerasaun kontinuador, atu ita hamutuk haree kestaun seguransa, tanba seguransa hanesan atividade importante ida ba Nasaun nia Dezenvolvimentu liu husu seguransa.

Reprezenta Segundu Komandante Jerál Komisariu PNTL, liu husi Departamentu Protesaun Natureza, Grasiano Moniz Amaral, iha nia entrevsita hateten atividade ida ne’e realiza, atu bolu atensaun ba komunidade no Estudante sira liga liu ba prevensaun ba iha krimi sira nomós violensia sira inklui asidente trafiku ne’ebé joven lubuk mak lakon vida.

“Ita halo atividade ida ne’e ba iha universidade sira, hodi partilla informasaun ba estudante sira, tanba krimi sira ne’e maioria joven sira mak sempre involve”.teknik Presentante Komandu Jerál.

Nia esplika orador na’in haat ne’ebé sei fahe informasaun pertinente kona-bá “violensia domestika, meu ambiente, protesaun ba natureza, kodiku estrada no trafiku umanu inklui krimi organizadu sira.

Iha fatin hanesan Vise-reitora Asuntu Estudantil, Felisbela A.O.de Oliveira, Lic.SP.,M.SP. hato’o agradese ba Komandate Jerál ho ekipa tomak ne’ebé disponivildade, hodi partilla informasaun importante ba estudante sira ligadu ho segurana nian, atu hadok an husi asidente no kazu sira seluk.

“Siguransa iha ida-idak nia an, la’os ema seluk ba fó seguransa ita, tanba ne’e ita tenki hadomi ita nia an hadomi ita nia familia no hadomi ita nia nasaun, tanba nasaun ne’e atu di’ak iha futuru iha Joven sira nia liman”,dehan Vise reitora.

Nia husu ba estudante sira atu partisipa masimu hodi rona informsasaun sira ne’e, atu hatutan ba sira ne’ebé la partisipa tanba ita ne'ebé maka partisipa ne'e hanesan reprezenta sira hotu kuandu sai husi sala ita mós kontinua hatutan informasaun ne'e ba sira seluk labele rona monu de'it iha fatin ne'e.

Observasaun media UNPAZ nota katak PNTL Vizita ba Eskola Hametin Konfiansa Evita Problema Iha imor Leste ho ida ne'e maka Komandu Polisia Nasionál Timor-Leste (PNTL) vizita ba eskola ensinu superior iha kapital Dili, halo sosialisaun Planu Dezenvolvimentu Psikososial hametin konfinasa halo prevensaun ba krime iha Teritoriu Timor-Leste.

Atividade vizita eskola, komandu PNTL hala’o iha Universidade da Paz (UNPAZ) halo Sosializasaun PNTL aborda kestaun sira kona-ba regra utiliza Estrada publiku, prevene violesia hasoru feto no labarik feto, proteze natureza no ambinete no halo prevensaun ba kazu trafeku umanu iha Timor-Leste, oinsa mak estudante sira bele kontribui ba halao prevensaun.

Durante Sensiblizasaun ne'e lao PNTL mos foka ba promove valor sira dame nian, respeitu ba direitus humanus no kombate violensia ba komunidade sira prepara atu hasoru tinan foun ho kompremisiu foun ba dame no armonia sosial.

Iha Orador Sensibilizasaun ambitu Dezemvolvementu no Implementasaun Planu Psikososial PNTL nian husi Xefe Gabinete Igualdade Jeneiru no Inkluzaun, PNTL Superintendente Assistente Polísia Maria Fatima Martins, Xefe Seksaun Planeamentu Tranzitu Seguransa Rodaviariu Inspektor Assitente Arnaldo da Costa, Xefe Departamentu Protesaun Natureza no Ambiente PNTL Superintendente Assistente Polísia Graciano Moniz Amaral no Xefi Seksaun Krime Organizadu husi Diresaun Servisu Investigasaun Kriminál Nasionál (DISK) Inspektur Almero Quintas

Entretantu iha atividade ne’e, abertura ofisialmente husi Segundu Komandante Jerál, Komisariu Polísia Pedro Belo. no akompaña husi Vise-reitora Asuntu Estudantil, Felisbela A.O.de Oliveira, Lic.SP.,M.SP. ho ekipa tomak husi PNTL Inklui Estudante