PM LANSA FATUK DAHULUK BA EDIFISIU RUA IHA UNPAZ

PM LANSA FATUK DAHULUK BA EDIFISIU RUA IHA UNPAZ

Dili-Universidade da Paz (UNPAZ) hala'o Serimónia Lansamentu fatuk dahuluk hodi harii edifisiu foun rua ho naran, Kay-Rala Xanana, Edifisiu Sentru Estudu Estratejiku da Paz (CEE-PAZ) no edifisiu daruak naran Kay-Rala Xanana, ne'ebé lansa diretamente husi Sua Exelensia Primeiru Ministru Kay-Rala Xanana Gusmão, iha Kampus Sentrál UNPAZ Timor-Leste (12/07/24).

Magnífiku Reitór UNPAZ, Dr. Adolmando Soares Amaral, Lic.Eco., MM, hato'o agradese ba Avo Nana bele autoriza Fundasaun Neon Metin ho Universidade da Paz, atu bele utiliza ho naran edifisiu Kay-Rala Xanana, e agradese ba Primeiru Ministru, Vise Ministru no ba membru governu sira ne'ebé ohin loron investe tempu, hodi mai partisipa iha Serimónia ida ne'e, no ohin ita halo Lansamentu Fatuk Dahuluk ba edifisiu rua mak hanesan, primeiru edifisiu ho naran Kay-Rala Xanana no Segundu edifisiu Kay-Rala Xanana, edifisiu sira ne'e ita sei uza ba matenek na'in sira iha UNPAZ nian, atu bele tur hodi hanoin atu halo peskiza.

"Espera edifisiu ho naran Kay-Rala Xanana bele inspira, motiva no transforma ita nia hanoin, transforma ita nia mentalidde no hahalok, tanba ho asaun ne’ebé maun ka avo nana halo husi vida joven mai to’o agora nia sei nafatin konsiensia hodi servi ba povu no rai ida ne’e, ho nune'e husu ba joven sira bele banati tuir dalan ne'ebé mak avo nana halo, tanba ne'e espera husi ida ne'e bele motiva estudante sira mós bele la'o tuir dalan ne'ebé avo nana halo no naran ida ne’e bele fo motivasaun ba ita iha futuru", dehan Reitór

Entretantu partisipa iha Serimónia lansamentu Fatuk Dahuluk ne’e, Sua Ex. Primeiru Ministru (PM) Kay Rala Xanana Gusmão, S.E. Vise Primeiru Ministru Mariano Assanami, S.E. Ministru Justiça, S. E. Ministru Social, S. E. Ministru Ensino Superior, S. E. Secretario Estado Terras, S. E. Representa Ministru Veteranus no membru governu sira hotu, Estrutura sira hotu, Dekanu Fakuldade neen (6), nomós Dosente, Funsionariu sira hotu inklui estudante sira hotu.