PLANU SENADU ESTUDANTIL KUDA AI-OAN 35 IHA JARDIM UNPAZ

PLANU SENADU ESTUDANTIL KUDA AI-OAN 35 IHA JARDIM UNPAZ

Dili-Universidade da Paz (UNPAZ) liuhusi Senadu Estudantil UNPAZ hamutuk ho Magnifiku Reitór akompaña husi Prezidente Fundasaunn Noen Metin nomós estrutura husi senadu Fakuldade neen kuda ai hali Portugal tolu nulu resin lima (35) iha jardim kampus UNPAZ (25/01) horseik.

Senadu Estudantil Universidade da Paz, Sr. Bernadinho Ximenes, hateten objetivu husi kuda ai oan ne’e, tanba durante ita haree ba dezastre naturais ne’ebé afeita, ida ne’e mak ita tau sai hanesan preokupasaun mak ohin ita kuda ai oan ne’e.

“Motivu ida ne’e mak hakark ami kuda ai oan, para fó mahon no matak ba ita nia ambiente Universidade da Paz”,dehan Bernadinho.

Nia hatutan, Kuda ai oan ne’e inisiativa husi ami, programa ne’e ami atu lansa iha fulan klaran maibe la konsege, no agora iha tempu udan ami tenki kuda lalais para bele haree nia progresu ai ona ne’e to’o iha ne’ebé.

Partisipa iha kuda ai oan ne’e, Magnifiku Reitór Universidade da Paz, Dr. Adolmando Soares Amaral, Lic.Eco.,MM. akompaña husi Prezidente Fundasaun Neon Metin, Senadu Jeral ho Estruta, inklui estrutura husi Senadu Fakuldade Neen.