PASCOAL SENTE KONTENTE ASESU MAI IHA UNPAZ
Dili-Universidade da Paz (UNPAZ) nia kandidatu estudante foun Pascoal Soares sente kontente bainhira asesu mai iha kampus UNPAZ hanesan instituisaun privadu iha timor-Leste, iha Resintu UNPAZ (24/01).
Pascoal Soares nu’uda kandidatu estudante foun tinan akadémiku 2022, sente kontente wainhira asesu mai iha UNPAZ, tanba ho fasilidade ne’ebé mak di’ak no manorin na’in sira ne’ebé ativiu tebes, agradese ba UNPAZ, nia prosesu tomak ne’ebé di’ak no efetivu tebes.
“Ha’u hili UNPAZ di’ak liu tanba, ha’u hein rejultadu husi UNTL, dala ruma bele liu nomós laliu, tanba ne’e ha’u hili dalan di’ak mai iha UNPAZ, tanba ne’e maluk sira, labele lakon vontade no oportunidade, atu mai asesu iha UNPAZ, UNPAZ nakloke ba ita hotu no ba estudante foin sa’e sira”,dehan Pascoal.
Ha’u mai iha UNPAZ hili Fakuldade Siénsia Sosiais Humaniora, Departamentu Administrasaun Públika, tanba haree ba prosesu nasaun ohin loron nian, tanba iha Munisipiu presija tebes ema Administrasaun Públika, tenik Nia.
Aliende ne’e, Mariazinha Agostinho, nu’uda kandidatu estudante foun husi Fakuldade Saúde públika tinan akadémiku 2022, sente orgullu tebes bele asesu mai iha UNPAZ ho ambiente ida ne’ebé furak.
“Ha’u hili UNPAZ, tanba UNPAZ hanesan instituisaun privadu ida ne’ebé di’ak tebes, kada tinan sempre produs graduadu/a barak husi instituisaun ida ne’e” katak Mariazinha.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
