ORGANIZASAUN HADOMI NATUREZA PARTISIPA IHA ATIVIDADE STAND-BY RESCUE IHA RAMELAU

ORGANIZASAUN HADOMI NATUREZA PARTISIPA IHA ATIVIDADE STAND-BY RESCUE IHA RAMELAU

Ohin loron Sabadu 05 de Outubru 2024 Organizasaun Hadomi Natureza ne’ebé mai husi organizasaun 6 no kompostu asosiasaun nasional JHN, ESHANA-UNTL, GERHANA, ESHANA-UNITAL, ESHANA-UNPAZ, no ESHANA-PAULO VI, ohin desloka ba Ramelu hodi partisipa atividade Stand-By Rescue. Durante loron haat.

Objetivu husi atividade ne’e, Atu halo Stand-By Rescue ka hamrik metin iha risku hodi ajuda ba iha peregrinasaun sira ne’ebé maka ba iha Foho Ramelau.

Iha abertura Magnífiku Reitór UNPAZ, Dr. Adolmando Soares Amaral, Lic. Eco.,MM. hateten imi ne’ebé sempre ba halo atividade, agora imi iha bokae ona atu bele hakilar ba estadu no governu nomós ba sosidade sivil inklui akadémiku sira seluk, atu motiva sira oinsa hotu-hotu tau atensaun ba iha organizasaun ida ne’e no ita bele halo asaun hamutuk, nune’e bele proteje rai ida ne’e ba futuru.

“Ita sei kria kondisaun ba oin, tanba ne’e, ita hanesan joventude no hanesan ema timor oan, hanoin oinsa atu bele proteje rai ida ne’e, tanba ne’e Univerisdade da Paz sei apoiu kualker imi nia atividade ne’ebé mak imi halo”,dehan Reitór hafoin abertura deslokasaun estudante sir aba Foho Ramelau.

Reitór husu ba estudante sira labele halo buat arbiru iha Fatin Ramelu, tanba Ramelau fatin ne’ebé lulik no sagradu, tanba ne’e husu ba imi fiar imi nia an no tau maromak iha sentru no hakruk ba natureza ne’ebé iha, nune’e imi fila fali ho kondisaun ne’ebé mak di’ak.