OHIN UNPAZ SELEBRA EVENTU IMPORTANTE TOLU\"KUARTA FEIRA SINZAS\"AGRADESIMENTU UNPAZ NIA SUSESU\" NO

OHIN UNPAZ SELEBRA EVENTU IMPORTANTE TOLU"KUARTA FEIRA SINZAS"AGRADESIMENTU UNPAZ NIA SUSESU" NO LORON DOMIN

Dili-Universidade da Paz (UNPAZ) ohin selebra eventu importante tolu hanesan, primeiru loron 14 fulan fevereiru ba tinan ida ne’e, igreja katolika selebra loron kuarta feira sinzas, segundu loron ida ohin Universidade da Paz termina hodi selebra loron agradesimentu UNPAZ nia susesu ne’ebé esforsu iha tinan barak no iha tinan ne’e hetan apresiasaun di’ak husi ANAAA, terseiru loron 14 fulan fevereiru nu’udar loron domin ne’ebé mundu tomak selebra, iha Salaun José Kasimiru (14/02/24).

Misa ba selebrasaun eventu importante tolu ne’e, Amu Kapelaun, Manuel Pinto, iha Omilia katak, ita nia reflesaun iha dader kmanek ida ne’e, Agradese, Silensiu no Domin, durante tinan barak hetan apresiasaun husi instituisaun ne’ebé iha direitu ba avalisaun no akreditasaun bele hetan rezultadu ne’ebé di’ak, espesialmente FSPCM, Fakuldade Ekonomi no Fakuldade Enjeñaria, ba estrutura hotu nia luta ba di’ak instituisaun nian, maka ita tenki agradese ba maromak.

Iha fatin hanesan, Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten estrutura ida ne’e, simu responsavel huis Fundasaun Neon Metin, iha dia 05 de Novembru 2019, hala’o nia mandatu ba tinan 4 depois estende tan tinan 1 ba tina 5, ne’ebé sei remata iha dia 05 de Novembru 2024. Haree ba kotuk durante tinan 16 ezistensia universidade, partisipa akreditasaun dala 1 no re-akreditasaun dala 3 ba instituisaun ita la konsege atu muda estatutu Universidade da Paz husi C ba B iha tinan 16 nia laran.

"Depois de estrutura ida ne’e hetan pose iha dia 05 de Novembru 2019 programa prioridade ne’ebé ita tau, oinsa atu lori Universidade da Paz ba hetan akreditasaun B/A, ho ida ne’e, iha 2020 ita partisipa re-akreditasaun instituisional ba dala 4, grasa dedeus ita servisu hamutuk ho dekanu sira xefe departaemntu, vise reitores sira, vise dekanu sira, pro-reitor diretor unidade sira, dosente, funsionariu, estudante, antigus alunu no stayholder sira hotu, ita konsege lori Universidade da Paz ba re-akreditasaun ba dala 4 ita hetan ona B",dehan Reitór UNPAZ.

Reitór Esplika, tinan tuir mai ita lori programa de estudu iha FCSH ba hetan lisensa operasional mak programa administrasaun públika, depois de ida ne’e ita lori programa administasaun públika iha nivel mestradu ita hetan B nomós siensia de diretu iha nivel mestradu ita hetan C, no iha tinan ida ne’e ita lori departamentu haat husi fakuldade ekonomia, bankaria hetan B, kontabilidade hetan B, jestaun B no inisial akreditasaun emprendedorismu hetan C, nune’e mós fakuldade enjeñaria ho departamentu 3 Arkitetura, Indústria no enjeñaria Sivil hetan B hotu, hanesan mós fakuldade teknologia agrikola iha departamentu rua hetan hotu B. nomós iha tinan 16 nia laran ita la iha departamentu ba FSP no iha de’it konsentrasaun, depois de ita muda naran FSPCM, ita hasa’e konsentrasaun sira ba hotu departamentu ho grasa maromak nian departamentu 7 iha saúde públika hetan hotu lisensa operasional.

"Susesu ida ne’e, susesu ita hotu nian, tanba ida ne’e, atu hateten ba públiku katak kualidade universidade da paz ne’e tenki halo avaliasaun liuhusi peritus internasional no nasional, maske buat balu ita sei duvida, maibe prontu ida ne’e mak situsaun ohin lorin Universidade da Paz to’o ona iha faze ida ne’e, espera katak iha tinan 5 mai, sira ne’ebé B ba hotu ona A, sira ne’ebé C ba hotu ona B no ita bele hamosu rekursu humanus ne’ebé ho kualidade para atu bele hatan ba nesesidade povu iha rai dia ne’e",Tenik.

Entretantu misa ba selebrasaun eventu importante tolu ne’e, Prejidi husi Amu Kapelaun, Manual Pinto. Partisipa husi Magnífiku Reitór Universidade da Paz, Dr. Adolmando Soares Amaral, Lic. Eco.,MM. ho Estrtura sira hotu ne’ebé kompostu husi Vise Reitores sira, Dekanu ho Vise Dekanu sira Xefe Departamentu, Pro-Reitor sira, Diretor Unidade sira, Dosente Funsionariu, Estudante inklui Familia sira hotu.