NGO RAEBIA TL HO UNDP DISTRIBUI SERTIFIKADU BA ESTAJIADUS SIRA

NGO RAEBIA TL HO UNDP DISTRIBUI SERTIFIKADU BA ESTAJIADUS SIRA

Dili-Universidade da Paz (UNPAZ) nia estudante estájiadus hamutuk lima nulu (50) husi fakuldade teknolojia agrikola departamentu Konservasaun Rekursu naturais semester VI simu sertifikadu apresiasaun husi NGO Raebia Timor-Leste no UNDP durante Estagiu fulan Ida, semana ida iha Munisipiu Aileu, Baucau, Ermera no Liquiça (05/08).

Diretor Exekutivu Raebia Timor-Leste, Dr. Xisto Martins, haktuir kontenti tebes tanba estájiadu sira ne'ebé hala'o estajiu durante fulan Ida semana Ida iha Munisipiu sira ne'ebé estajiadu sira destaka ba, oinsa bele aprende ekologia kultura no ambiente ne'ebé komunidade sira horik ba.

"Estagiu ne'e hanesan pasu importante ida, oinsa bele konbina teoria ho prátika, oinsa bele eleva estudante nia koñesementu no abilidade, tanba ne'e prátika hanesan meius ida, oinsa bele halo estudante sira maduru liu tan bainhira remata estadu tun ba terenu hanesan ema Engeneriu Agrikultura Ida",dehan Diretor.

Iha fatin hanesan, Team Lider UNDP Jehangir Khan,Oh.D. agradese tanba bele servisu hamutuk ho NGO Raebia Timor-Leste no Universidade da Paz (UNPAZ), hodi bele lori estudante Estájiadus sira ba Prátika iha terenu, tanba ne'e, pratika importante tebes tanba bele aumenta estudante sira-nia abilidade nomós bele lori estudante sira ba hatene lolos karakter komunidade sira nian no estájiu ne'e la'ós ba pratyika de'it, maibe hanesan mós parte ida, oinsa bele moris hamutuk ho kumunidade sira.

Aliende ne'e, Dekanu Fakuldade Teknologia Agrikola Eng. Jonio dos Santos M. Agr, hato'o agradese ba NGO Raebia no UNDP ne'ebé bele fó ona biban ba Fakuldade Teknologia Agrikola nia estudante estájiadus sira bele hala'o estajiu durante fulan Ida semana ida iha Munisipiu sira ne'ebé estájiadu sira destaka ba, ho ida ne'e ba futuru bele servisu hamutuk di'ak liu tan ho NGO Raebia Timor-Leste no UNDP, oinsa bele melhora di'ak liu tan estudante sira-nia koñesementu liuliu prátika iha terrenu.

Iha parte seluk representante estájiadu Fakuldade Teknologia Agrikola Serafin dos Santos Missa, hato'o Agradese ba Fakuldade Teknologia Agrikola no NGO Raebia Timor-Leste ne'ebé servisu hamutuk ho UNDP bele fó ona Oportunidade ba ami estudante sira hodi hala'o estagiu durante fulan Ida semana ida iha Munisipiu sira, oinsa bele eleva ami nia koñesementu liuliu oinsa bele aplika teoria ne'ebé aprende iha aula laran iha terrenu, atu nune'e bele hatene klaru liu tan, nune'e mós ami bele rai esperensia ne'ebé ami hetan, oinsa bele aplika iha futuru.