MISA AGRADESIMENTU BA TINAN 20 EXISTENSIA UNPAZ

MISA AGRADESIMENTU BA TINAN 20 EXISTENSIA UNPAZ

Dili-Universidade da Paz (UNPAZ) hala’o misa agradesimentu tinan 20 ezistensia UNPAZ no lustrum ba dala IV, misa agradesimentu ne’e prejide husi Amu Kapelaun Manuel Pinto, iha Salaun José Casimiro (09/03).

Magnífiku Reitór UNPAZ, Dr. Adolmando Soares Amaral, Lic. Eco.,MM, Ohin UNPAZ halo missa agradesimentu ba aniversariu universidade da paz ba dala 20, ha’u hanoin 20 anos ne’e fiar sosiedade nian, fiar povu nian, fiar inan-aman sira nian nomós estudante dosente no funsionariu hotu-hotu nia komitmentu mak existensia universidade da paz to’o ohin loron, ne’ebé ohin selebra ba 20 anos ba universidade da paz. Antes ne’e ami organiza atividade lubuk ida atu komemora dies nataliz ba unpaz halo ba tinan 20 anos nian ne’e.

"Iha progresu lubuk ida ita produs rekursu humanu por volta 15 mill graduadu ne’ebé ita husik ona ba teritoriu timor leste, husi ne’e sira fó ona kontribuisaun antes ba kampus ka instituisaun privadu no balu organiza an rasik depois fó espasu ba ema seluk atu organiza fali sira. Ne’e ami kontenti los haree ba ami nia alumi sira ne’e, Xanana iha nia instituisaun nunu governu",dehan Reitór.

Mensagen ba estudante sira nafatin esforsu sira-nia tempu ne’e, halo jestaun ba tempu ne’e ho di’ak, apriende siensia no teknologia kapasita sira-nia an, atu nune’e aban bainrua sira remata sira-nia estudu iha universidade da paz, sira fila fali ba sosiedade atu nune’e servisu ho di’ak no sai atan lolos ba povu no rai ida ne’e, tanba ne’e mak ita sempre fó hanoin ka mensagen ba sira ne’e. Ita sempre iha esperansa katak ita halo buat di’ak ba universidade ida ne’e, agora fiar ne’ebé ami halo ne’e hatudu husi estudante foun ne’ebé asesu iha fatin ida ne’e.

Nia salienta, ami kada tinan-tinan husi 2019 mai to’o agora, ami nia kualidade estudante ne’e di’ak, katak fiar husi sosiedade sira, tanba sosiedade senti ona produtu UNPAZ nian, sosiedade konsumu ona produtu UNPAZ nian, tanba ne’e mak sira sempre haruka sira-nia oan mai eskola iha fatin ida ne’e, haree ba ida ne’e mak ami tenlki harmoniza no prepara kondisaun iha universidade, labele lakon fiar ba sosiedade ho povu ba fiar ne’ebé sira fó mai universidade ida ne’e.

Entretantu misa agradesimentu ne’e, partisipa husi Estrutura senadu Universidade, Estrutura Senadu Fakuldade, Pro-Reitór sira, Diretór Unidade sira, Dosente Funsionariu sivitas Akadémiku Universidade da Paz.