MESSK SAI ORADOR DAHULUK IHA ORIENTASAUN BA ESTUDANTES SIRA ANU LETIVU 2024 IHA LORON DARUAK NIAN

MESSK SAI ORADÓR DAHULUK IHA ORIENTASAUN BA ESTUDANTES SIRA ANU LETIVU 2024 IHA LORON DARUAK NIAN

Dili-Universidadeda da Paz (UNPAZ), hetan prezénsa husi Ministru Ensinu Superior Siénsia no Kultura, hodi sai oradór prinsipál dahuluk ba orientasaun loron daruak nian ho tema; “Papél Ensinu Superior Ba Dezenvolvimentu Rekursu Umanu iha Timor-Leste. Iha salaun José Casimiro (27/02).

Excelénsia Ministru Ensinu Superior Siéncias no Kulturas Dr. José Honório da C. P. Jerónimo hateten ba estudantes sira katak, planu governu nian ne’ebé hahú husi 2011-2030 mak oinsá atu tau importánsia ba ensinu superior iha Timor-Leste hodi garante ninian rekursu umanu ne’ebé bele kontribui ba prosesu dezenvolvimentu nasionál iha país ida ne’e.

“Governu iha obrigasaun atu fó apoiu ba ensinu superior sira atu bele garante no graduamente forma ita-nia rekursu umanu ne’ebé adekuadu liu atu kompete iha país sira seluk karik ita tama ba asean tanba ne’e importante. Dezenvolvimentu rekursu umanus ba ensinu superior iha Timor-Leste ne’e importante tebes tanba Mobilidade profesores sira nian 100% maibé tenki iha mós mobilidades estudantes sira nian liuhusi UNPAZ ba iha rai sira seluk. Edukasaun mak bele forma ema atu muda ninia karakter, muda ninia vida sosiál tanba nia hetan edukasaun ne’ebé adekuadu liu. Tan ne’e importante ba estudantes hotu-hotu atu hatene katak tama universidade ne’e atu prepara aan ba futuru ne’ebé sai di’ak liu”tenik.

Sua Excelénsia ne’e akresenta, agradese ba unpaz tanbá unpaz mós halo kontribuisaun lubuk ida iha parte rekursu umanus ne’ebé kontribui ba dezenvolvimentu nasionál Timor-leste nian. Ho fiar katak alin sira ne’ebé hili unpaz ho hanoin ida tenki sai ema ida ne’ebé kualifikadu di’ak hodi kontirbui ba dezenvolvimentu nasionál país nian, liuhusi área estudus sira ne’ebé ita-bo’ot sira hili, ida ne’e hanesan baze fundamentél wainhira imi remata karik bele fó kontribuisaun ba ita –nia país hodi dezenvolve ita-nia rai iha futuru.

Iha fatin hanesan Magnífiku Reitór Universidade da Paz, Dr. Adolmando Soares Amaral, Lic. Eco.,MM. esklarese, lori familia bo’ot universidade da paz karik iha erru ruma ho ministériu ensinu superior e Siéncias kulturas, liliu ba ministru iha oportunidade ida ne’e aproveita ami husu deskulpa, maibé ami atu hateten de’it katak ensinu superior privadu sira hotu iha Timor ida ne’ebé mak sei asegura polítika Ministru nian Universidade da paz ami sei fó apoiu laiha rezerva, buat sira hotu ne’ebé akontese ida ne’e mak halo ita besik malu liután, haree malu liután no ida ne’e mak bele halo ita atu haree buat ne’ebé ladún di’ak no ladún la’o iha tinan lima ba kotuk. Ami fiar katak prezensa husi ministru 9^0 governu nian ne’ebé ohin mai unpaz sei hadi’a di’ak liután unpaz ba oin.

Entretantu iha palestra ne’e hetan partisipa husi Excelénsia Ministru Ensinu Superior Siéncias no Kulturas Dr. José Honório da C. P. Jerónimo, Estrutura universidade inklui komisaun ba orientasaun akadémika 2024, nomós sivitas akademikas sira hotu iha Universidade da Paz.