MESSK KONTINUA MONITORIZASAUN IHA KAMPUZ SENTRAL NO LIQUISA

MESSK KONTINUA MONITORIZASAUN IHA KAMPUZ SENTRAL NO LIQUISA

Dili,14 Maiu 2025 - Universidade da Paz (UNPAZ) hetan Monitorizasaun husi ekipa Responsavel Universitariu Ministeriu Ensinu Superior Siensia no Kultura (MESSK) kontinua halao monitorizasaun iha kampuz sentral no Kampuz Liquisa, hodi haree diretamente kondisaun universidade ida ne'e nian.

Entertantu Ekipa husi MESSK remata halao Unpaz Liquisa kontinua monitorizasaun ba iha Kampuz Sentrál ba iha Dirasaun UA-AAE, Dirasaun Finansas, IQA-CD, Rekursu Humanu.

Monitorizasaun husi ekipa MESSK iha kampus Liquisa, ekipa hasoru malu diretamentu ho Dekanu Fakuldade Enjeñaria, José Manuel Maniquin, AP, Lic.,Eng.M.Eng. ho estrutura Fakulade nian, inklui estrutura Fakuldade Agrikola, hodi halo diskusaun no esplika kondisaun Fakuldade nian ba ekipa MESSK.

Iha Monitorizasaun ne’e, Xefe Departamentu Universitariu MESSK, Anguelica Delfina de Araújo, hateten bazeia ba site visit husi ekipa MESSK, ne’ebé hala’o durante loron rua iha UNPAZ, tuir ekipa Ministeriu nia haree buat hotu la’o ho di’ak tebes no iha mudansa bo'ot iha UNPAZ, maske balun presiza kompleta, maibe emprinspiu kondisaun UNPAZ nian di’ak tebes.

“Rezultadu husi site visit durante loron rua ekipa MESSK hala’o, ekipa sira mós sei elabora sai ba relatoriu, hafoin bele konvida estrutura Universidade nian atu partisipa iha aprezentasaun final ba rezultadu monitorizasaun nian”,tenik xefe ekipa.

Xefe ne’e mós hato’o agradese ba UNPAZ bele simu ekipa Ministeriu nian ho di’ak no akompaña ona durante loron rua hala’o atividade monitorizasaun iha UNPAZ sentral nomós Liquisa, hanesan timor oan presiza ita hotu nia hamutuk atu dezenvolve rai ida ne’e ba oin.

Iha fatin hanesan Dekanu FCSH, Dr. Fernando Dias Gusmão, S. IP.,M.AP. reprezenta Magnífiku Reitór, hato’o agradese ba ekipa MESSK ne’ebé durante loron rua hala’o servisu ministeriu nian, hodi halo monitorizasaun ba prosesu hotu ne’ebé la’o iha UNPAZ, ho ida ne’e buat ne’ebé sei falta UNPAZ prontu atu hadia di’ak liu tan no kuidadu buat ne’ebé di’ak ona.

“UNPAZ hanesan Universidade Privadu ne’ebé nia forsa mai husi inan aman ne’ebé depozita komfiansa, hodi haruka oan sira mai aprende siénsia no Teknolojia iha Universidade da Paz liu husi Propinas, hodi dezenvolve Infrastrutura no haruka Dosente sira kontinua nivel Estudu Edukasaun no seluk tan'' dehan Reprezenta Magnífiku.

Entertantu iha enseramentu monitorizasaun ne’e, partisipa husi Xefe Departamentu Universitariu MESSK, Anguelica Delfina de Araújo, ho ekipa. akompaña mós husi Estrutura Universidade, Estrutura Fakuldade inklui diretor no xefe unidade sira.