MESSK HALO SOSIALIZASAUN BA INPLEMENTASAUN PADRAUN KURIKUKUM NASIONAL IHA UNPAZ

MESSK HALO SOSIALIZASAUN BA INPLEMENTASAUN PADRAUN KURIKUKUM NASIONAL IHA UNPAZ

Dili-Universidade da Paz (UNPAZ) liuhusi Diresaun Nasionál Kurikulum Ensinu Superior, halo sosializasaun kona-ba implementasaun padraun kurikulum nasional ba ensinu superior sira, atu bele millora no garante ensinu aprendizajen kualidade di'ak liu ba futuru, iha Aula Prof. Dr. Lucas da Costa (15/04).

Ekipa Diresaun Nasionál Kurikulum Ensinu Superior, ne’ebé líderadu Sr. Muises da Silva, hateten kurikulum ida ne'e importante los ba iha instituisaun sira, liuliu ba iha fakuldade sira, tanba fakuldade sira mak na'in ba progresu ensinu no atu garante nia graduadu sira-nia kualidade, estrutura reitór ne’e, desizaun polítika ne’ebé mak foti atu garante institusionalidade nian, maibe programa ne’e atu la’o ka kualidade ba estudante sira atu la’o di’ak ba iha dekanu ho xefe departamentu sira.

Iha fatin hanesan Dekanu FTA, Eng. Jonio dos Santos, M.Agr. reprezenta Magnífiku Reitór hato'o agradse ba ekipa husi Diresaun Nasionál Kurikulum Esnisnu Superior, ne'ebé maka prezensa iha UNPAZ dader ida ne'e, hodi halo sosializasaun kona-ba kurikulum ensinu superior nian mai iha UNPAZ.

"Espera katak husi formasaun ne'e bele benefisia manorin na'in iha Instituisaun akadémiku , tanba ne'e ami estrutura husi Universidade prontu, atu rona esplikasaun husi ekipa kona-ba kurikulum tuir padraun nasionál, nune'e ba oin ita bele la'o tuir matadalan ne'ebé iha",dehan Dekanu FTA.

Entretantu iha atividade ne'e, partisipa husi Dekanu sira, Xefe Departamentu nomós Diretor Unidade sira inklui ekipa husi Diresaun Nasionál Kurikulum Ensinu Superior nian.