MESSK HALO MONITORIZASAUN IHA UNPAZ HODI HAREE PROGRESU ATIVIDADE DURANTE TINAN IDA NIAN

MESSK HALO MONITORIZASAUN IHA UNPAZ HODI HAREE PROGRESU ATIVIDADE DURANTE TINAN IDA NIAN

Dili-Universidade da Paz (UNPAZ) liuhusi Ministeriu Ensinu Superior Siensia no Kultura (MESSK) nia Diretór Nasionál Ensinu Superiór, líderadu Dr. Higino Alves hamutuk ho ekipa halo monitorizasaun mai iha UNPAZ, hodi haree diretamente progresu ba atividades durante tinan ida nian, iha Aula Prof. Dr. Lucas da Costa (05/02).

Magnífiku Reitór UNPAZ, Dr. Adolmando Soares Amaral, Lic. Eco.,MM. esplika Atividades tomak Universidade da Paz nian ami akomoda tiha ona iha kalendáriu akadémiku ba 2024 nian ne'ebé akumula tomak atividade tinan ida nian ne'ebé nia rezultadu mai husi workshop annual tinan 2023 nian. Liuhusi ne'e ami halo ninia planu ba tinan 2024 depois ida ne'e ami halo nia produsaun atividade lori ba halo kalendáriu akadémiku, hafoin ida ne'e ami universidade Fakuldade no programa estudu no unidade sira iha UNPAZ bele ezekuta atividade sira ne'e hotu, bazeia ba kalendáriu akadémiku ne'ebé ami iha.

"Foin lalais universidade mós lori programa Estudu 4 iha Fakuldade Ekonimia ba halo tan akreditasaun, Jestaun, Kontabilidade, Bankaria hetan valór B no Empreendedorizmu mak hetan C. Seluk fali mak sira tuir re-akreditasaun no seluk fali mak arkitektura, Enjenaria. Civil no industria ho Valór B hotu, nune'e mós Fakuldade Agrikola hetan B. Dadaun ne'e ami mos prepara hela re-akreditasaun ba fakuldade rua mak Direitu no CSH husi programa estudu haat, Ida ne’e mak atividade inísiu husi atividade ba tinan ida ne'e, tanab ne’e, preokupasaun husi ekipa MESSK, buat barak ne’ebé sai hanesan rekomendasaun, universidade sei konsidera, atu bele organiza an di’ak liu tán iha tempu sira tuir mai",dehan Reitór.

Iha fatin hanesan, Diretór Nasionál Ensinu Superiór, Dr. Higino Alves hateten, avaliasaun ba tinan ne'e liga ba avaliasaun ne'ebé akontese iha tinan kotuk kotuk, hodi hadi'a fila-fali buat ne'ebé mak ladi'ak hodi haree ba ninia progresu sira ne'ebé kada programa estudu iha.

“Avaliasaun agora ne'e bazeia ba tinan kotuk nian ne'ebé ita avalia fila-fali buat ne'ebé mak uluk ladi'ak, tinan ne'e ami atu haree ninia progresu ba tinan ida ne'e la'o oinsá, tanbá UNPAZ nu'udar instituisaun bo'ot ne'ebé ami sempre akompaña. Tan ida maka liuhusi avaliasaun ne'e ita atu haree ba ninia progresu ne'e tún ka sa'e, maske ami la mensiona data ba avaliasaun nian, maibé ami sempre iha liña koordenasaun ho ita-bo'ot sira liuhusi vise-Reitór ba Asuntu akadémiku”,teknik Diretór.