MESSK HALO MONITORIZASAUN IHA UNPAZ

MESSK HALO MONITORIZASAUN IHA UNPAZ

Dili-04 Fevereiru 2025 Universidade da Paz (UNPAZ) Ekipa Ministeriu Ensinu Superior Siénsia no Kultura (MESSK) halo monitorizasaun ba orsamentu subvensaun públika ne’ebé Ministeriu oferese ba UNPAZ, halao iha Aula Prof. Dr. Lucas da Costa.

Dekanu FCSH, Dr. Fernando Dias Gusmão, A.Md.,S.IP.,M.AP. ne’ebé reprezenta magnífiku reitor hato’o ben-vindu ba ekipa husi MESSK, ne’ebé hakat mai iha UNPAZ, hodi halo monotorizasaun atu haree ezekusaun orsamentu subvensaun públika iha tinan 2024 ne’ebé oferese mai UNPAZ.

“Reprezentante Magnifiku ne'e konta Orsamentu Subvensaun Públika ne'ebé mak fó ba UNPAZ bazeia ba nota asina entre universidade ho Ministeriu.

Orsamentu ne'ebé mak UNPAZ ezekuta tuir programa ne’ebé atribui mai iha UNPAZ no fakuldade ne’ebé sai benefisiariu ba programa implementa hotu ona, hanesan relatoriu ezekuasaun orsamentu ne’ebé ami aprezenta ba iha Ministeriu”,dehan dekanu FCSH.

Depois de enkontru ne'e remata Ekipa husi MESSK ba halo kedas monitorizasaun, hodi haree diretamente servisu ne’ebé UNPAZ implementa ona ho orsamentu subvensaun públika nian husi ministeriu.

Nia Sublina UNPAZ prontu koopera ho ekipa husi Ministeriu, relasiona ho programa ne’ebé mak implementa.

Iha fatin hanesan, Xefe ekipa ne’ebé reprezenta husi Diretor Nasional Ensinu Superior, Higino Alves, esklarese bazeia ba despaisu Ministerial ne’ebé fó kompensia mai iha ekipa, atu halo monitorizasaun non Fiskalizasaun ba iha orsamentu subvensaun públia 2024, ne’ebé atribui ona ba instituisaun superior privadu sira hotu inklui UNPAZ.

“Bazeia ba kontratu UNPAZ ho Ministeriu asina ba dahuluk atribui 40% ne’ebé ekipa halo ona monitorizasaun, ne’ebé liu ona, no ohin ami mai atu halo monitorizasaun ba kompleta 100% nian, maibe iha buat balu presiza hadia di'ak liu tan, Monitorizasaun ne'e lá'os ba iha UNPAZ de’it, maibe de'it maibé ba kuaze Ensinu Superior sira hotu hanesan”,tenik Xefe ekipa.

Partisipa iha atividade ne’e, Estrutura Senadu Universidade Senadu Fakuldade, Diretor no Xefe Unidade sira inklui ekipa husi MESSK nian.