MESSK HALO FISKALIZASAUN PROSESU APRENDIZAJEN IHA UNPAZ

MESSK HALO FISKALIZASAUN PROSESU APRENDIZAJEN IHA UNPAZ

Dili-Univeraidade da Paz (UNPAZ) Liuhusi diresaun Fiskalizasaun Ministeriu Ensinu Superior Siensia Kultura (MESSK) halo fiskalizasaun Prosesu Aprendizajen ba Instituisaun Ensinu Superior Públiku no Privadu, inklui UNPAZ, iha Aula Prof. Dr. Lucas da Costa (20/06/24).

Ekipa Inspetora MESSK Asuntu Auditoria no Finansa, Sra. Natercia da C. de Araújo. hateten atividade fiskalizasaun ida ne'e, la'ós ami mai de'it iha UNPAZ lae, maibé ami ba mós instituisaun Públiku no privadu sira hotu, inklui sira iha Munisípiu. Tanba ne'e, prejensa ami nian iha UNPAZ, atu haree kona-bá prosesu aprendizajen, fasilidade, dadus dosente sira nomós sira seluk tan.

"Rekursu Humanu iha dosente sira-nia liman, la'ós iha Ministériu, Ministériu halo de'it jestaun, maibé ema ne'ebé mak produs rekursu Humanu iha rai doben ida ne'e, iha Universidade sira-nia liman, maibé ita tenki kolabora no servisu hamutuk, atu bele garante prosesu aprendizajen ne'ebé mak di'ak ba estudante sira iha futuru",dehan Inspetora MESSK.

Tuir observasaun média nian katak, ekipa ne'e mós halo diskusaun ho Vise Reitór Asuntu Akadémiku, Pro-reitor ADRH no Diretor UA-AAE, inklui Estudante sira ne'ebé kompostu husi Fakuldade neen iha Universidade da Paz.

Entretantu partisipa iha fiskalizasaun ne'e, Vise Reitores, Dekanu sira, Xefe Departamentu sira, Diretor Unidade sira, Dosente, Funsionariu inklui Estudante sura ne'ebé kompostu husi Fakuldade neen iha Universidade da Paz.