MESSK DISTRIBUI SERTIFIKADU BA FORMANDU 120 HUSI ESNSINU SUPERIOR PRIVADU IHA TL

MESSK DISTRIBUI SERTIFIKADU BA FORMANDU 120 HUSI ESNSINU SUPERIOR PRIVADU IHA TL

Dili-Universidade da Paz (UNPAZ) liuhusi Ministériu Ensinu Superior, Siênsia e Kultural (MESSK) hala'o Serimónia Abertura ba Formasaun lian Portugés ba Dosentes sira husi Ensinu Superior Privadu hamutuk Dosentes atus ida rua nulu (120) inklui Dosente UNPAZ na'in (11) aumesmu tempu entrega Sertifikadu ba formandu 2023, iha Auditóriu do Arquivo & Museu da Resisténcia Timorense (09/02).

Tuir S.E. Ministru Edukasaun Superior Siénsia no Kultura (MESSK) Dr. José Honório da Costa Pereira Jerónimo, hateten ohin Ministériu distribui sertifikadu ba formandu hamutuk 120, ne'ebé kompostu husi profesór/a sira ensinu superior privadu iha timor laran tomak, ne'ebé durante ne'e partisipa ona kursu lian Portugés, tanba lian Portugés ho lian tetun, nu'udar lian lokál ne'ebé importante loos iha Timor-Leste.

"Hanesan timor oan, ita hotu iha obrigasaun moral, atu apriende lian Portugés, tanba ne'e Ministériu iha programa ida, kontinua fó formasaun lian Portugés ba professores universitariu sira iha timor laran tomak",tenik (MESSK) Dr. José Honório.

Iha fatin hanesan, Dekanu FTA-UNPAZ, Eng. Jonio dos Santos, M.,Agr. nu'udar formandu lian Portugés, hateten lian Portugés importante, maske ha'u nia idade labele priense rekijitus husi Ministériu, atu fó bolsu estudu, tanba rekijitus husi Ministériu tenki tinan lima nulu (50) mai kraik mak bele priense rekijitus, lima nulu (50) ba leten labele ona, maibé ha'u nafatin iha espiritu vontade atu apriende lian Portugés.

"Maske ha'u nia idade labele priense rekijitus ida ne'e, maibé ha'u nafatin iha vontade as atu apriende Portugés, tanba ha'u nu'udar dosente, ha'u iha obrigasaun moras atu apriende",dehan Dekanu hafoin remata simu sertifikadu iha Auditório do Arquivo & Museu da Resisténcia Timorense.

Entretantu atividade refere, partisipa husi S.E. Ministru Edukasaun Superior Siénsia no Kultura (MESSK) Dr. José Honório da Costa Pereira Jerónimo. Diretor Exekutivu ANAAA.I.P. Dr. Nilton Dimantino Paiva Mau, Ph.D. Reitór husi Instituisaun Privadu sira, Diretores husi Instituisaun Governu nian, Formadór sira, Dosentes husi Instituisaun Privadu sira iha Timor inklui UNPAZ.