MESCC HALO AVALIASAUN LISENSA OPERASIONAL BA PROGRAMA DOUTORAMENTU IHA UNPAZ

MESCC HALO AVALIASAUN LISENSA OPERASIONAL BA PROGRAMA DOUTORAMENTU IHA UNPAZ

Dili-Universidade da Paz (UNPAZ), liuhusi Ajénsia Nasional ba Avaliasaun no Akreditasaun Akadémika, Institutu Públiku (ANAAA,I.P) halo avaliasaun ba lisensa operasional ba programa doutoramentu Administrasaun Públika no Siénsia Direitu, iha Aula Prof. Dr. Lucas da Costa (27/10).

Magnífiku Reitór Universidade da Paz, Dr. Adolmando Soares Amaral, Lic.Eco., MM. Hateten Unpaz antes ne’e haruka ona proposta ba ensinu superior ba programa doutoramentu sira, tanba ne’e mak avaliador sira mai atu halo avaliasaun tuir proposta ne’ebé ita haruka, no iha tinan ida ne’e ita haruka proposta ba ministeriu atu halo avalisaun ba kursu foun sira hamutuk sanulu (10) rua (2) iha nivel doutoramentu ida (1) iha nivel mestradu no hitu (7) iha nivel lisensiatura.

"Ohin ita hahu ona avaliasaun lisensia operasional ba kursu doutoramentu administrasaun públika no siénsia Direitu. Tanba ne'e mak sira mai halo avalisaun iha UNPAZ, Dr. Edmundo Viegas Resprezenta Ministerio Ensino Superior no Pro. Hazman V. B. Abdullah hanesan Avaliador Internásional nomós Dra. Mariana Chaves, Dr. Aurelio Guterres, Dr. Valentim Ximenes, Dr. João Cancio Freitas sira sai hanesan Avaliador Nasinal, sira mak ohin loron mai halo avaliasaun ba kursu rua ne’e, no avalisaun ne’e sei hala’o to’o iha dia 15 Novembru, tanba ita lori kursu hamutuk sanulu (10) atu husu lisensa operasional",Tenik Reitór.

Iha fatin hanesan, Dr. Edmundo Viegas, ne'ebé reprezenta MESCC hateten, vizita ida ohin ne’e mai ho finalidade, atu mai haree kondisaun kursu doutoramentu nian ne’ebé mak unpaz loke relasaun ho pedidu ne’ebé hato’o ba ministeriu ensinu superior atu loke kursu foun iha nivel doutoramentu nian, iha área rua área Administrasaun Públika no Siénsia Direitu, entaun kaer ba dokumentus ne’ebé unpaz entrega Ministeriu halibur ona avaliador nasionais ba ekipa rua le’e no avalia ona dokumentus sira ne’ebé husi unpaz kursu rua ne’e entrega, e avaliasaun dokumentu ne’e remata ona, maibé atu kompleta ba avaliasaun dokumentu ne’e, Ministerio presiza haruka tan fali ekipa ida mai atu vizita diretamente ho unpaz.

Nia hatutan, tanba ne’e nivel doutoramentu entaun ami konvida Panel Internasional ida atu mai halo validasaun relatoriu analiza dokumentasaun ne’ebé mak avaliador nasional sira ohin mai halo vizitasaun, e mezmu tempu ohin ne’e objetivu primeiru atu mai vizita no ko’alia ho kordenador kursu rua nian no mai husi magnifiku reitor kona-ba hanoin ba oin iha nivel doutoramentu ne’e ninia propozitu ne’e atu servisu saida no ohin ami rona ona husi parte unpaz nian katak, sira halo planu ne’ebé mak ho nia tempu naruk hodi prepara ba avaliasaun ho baze koperasaun ho universidade husi rai liur liuhusi indonésia, tanba ida ne’e mak vizita ida ohin ne’e mai atu halibur tan hanoin ruma ka halibur tan informasaun adisional ne’ebé mak ministeriu hanoin presiza tenki halibur duni atu sai fundamentu ka sai baze ba dezisaun ne’ebé mak aban bainrua ministeriu sei foti lisénsia husi kursu rua ne’e.

Entretantu Partisipasaun ba Avalisaun ka diskusaun ida ne’e, Magnifiku Reitór Dr. Adolmando Soares Amaral, Lic.Eco., MM, ho Dr. Edmundo Viegas reprezenta husi Ministerio Ensino Superior nomós Ekipa sira husi ANAAA e Estrutura UNPAZ, Vise Reitores no Pro Reitor Rekursu Umanu nomós Dekanu husi Fakuldade ne’en inklui kordenador nain rua ho estudante sira doutoramentu nian e Dosente sira.