MAGNIFIKU REITOR UNPAZ HO NIA ESTRUTURA HAMUTUK HO PRO-REITORES, ESTRUTURA FUNDASAUN NEON METIN, DEK

#UNPAZ# 19 AGUSTU 2021

UNPAZ HALA'O WORKSHOP ANNUÁL TINAN AKADEMIKU 2021.

MAGNIFIKU REITOR UNPAZ HO NIA ESTRUTURA HAMUTUK HO PRO-REITORES, ESTRUTURA FUNDASAUN NEON METIN, DEKANU SIRA, DIRETORES NO XEFE UNIDADE SIRA HODI REALIZA WORKSHOP ANNUÁL TINAN AKADEMIKU 2021 BA LORON DAHULUK IHA AULA PROF. DR. LUCAS DA COSTA (19/08).

Iha Workshop ne'e Magnifiku Reitor Universidade da Paz Dr Adolmando Soares Amaral, Lic. Eco.,MM, hateten Objetivu husi workshop ba tinan ida ne'e atu ko'alia kona-ba progressu ba atividade tinan ida nian no atividade ba annuál tinan ida, atu haree ba nia dezafius saida mak ami hasoru durante ne'e nune'e atu  desentraliza dezafius sira atu buka ninia diagnostika ne'ebé iha. No iha workshop ne'e buka atu ezekuta ba saida mak ami atinji ona ami nia objetivu no saida mak ami seidauk realiza, dehan Reitor.

Nune'e nia hatutan tan, Progressu ba tinan ida ne'e mak iha rekursu umanu, ne'ebé konsege haruka nafatin Dosentes sira ba hasai nafatin sira nia nivel Maestradu no Doutoramentu, no progressu iha infraestutura, fasilidade ne'ebe uluk menus agora ita iha possibilidade ita iha laboratorium ba Fakuldade neen (6) hotu, depois ita iha planu annuál no planu asaun sira nune'e ita iha kalendáriu akademiku ne'ebé fiksu, haktuir Nia.

Dezafius ne'ebé durante ne'e hasoru mak situasaun covid-19 ne'ebé invádiu mundu inklui Timor-Leste aumenta politiku Governu ne'ebé extende estadu emerjénsia, aumenta serka sanitaria no konfinamentu obrigatoriu ne'ebé halo atividade barak hanesan estájiu profesional, estajiu Sosiais hodi haruka estudante sira ba Munisipiu sira, ida ne'e ami labele ezekuta maske ami  halo ona kooperasaun ho autoridade munisipiu sira, hakle'an Reitor.

Reprezenta Prezidente Fundasaun Neon Metin, Sra. Lucia Lobatu, SH, hatutan ita bo’ot sira tenki servisu hamutuk atu asegura servisu ne’ebé universidade halo, hodi sai nafatin fatin bá ita nia oan no bei oan hakarak buka matenek bá iha fatin seluk ne’ebé sira la hetan oportunidade.

“Fundasaun Reitór ho estrutura hotu tenki servisu hamutuk, Kompriende malu fo liman ba malu, Magnifiku Reitór ho nia estrutura tomak, Fundasaun depozita komfiansa ba ita bo’ot sira nia mandatu to’o remata, atu bele kontinua halo buat di’ak ruma, ami mós sei hakas a’an durante tinan rua ne’e, ita kompleta malu buat ne’ebé Fundasaun seidauk bele bá, universidade halo, buat ne’ebe universidade seidauk bele bá Fundasaun apoiu, importante mak obra bo’ot ida ne’e lao ba oin atu fó benefisiu ba ita, haksolok tanba iha fatin fatin ita bá ita hetan alumi UNPAZ”,dehan Sra. Lucia.

Partesipa iha workshop ne’e, Magnifiku Reitor Universidade da Paz Dr Adolmando Soares Amaral Lic. Eco. MM. Reprezenta Prezidente Fundasaun Neon Metin, Sra Lucia Lobatu, SH, Pro Reitóres sira, Dekanu Fakuldade Neen, Xefe Departamentu hotu, Diretores, Unidade sira, Dosente Funsionariu, inklui ekipa On Shoot Crew.