#UNPAZ# 12 DE MAIU 2021
MAGNIFIKU REITÓR HO ESTRUTURA UNIVERSIDADE KOMVOKA REUNIAUN
Dili-Universidade da Paz (UNPAZ), liuhusi Magnifiku Reitór hamutuk ho estrutura Universidade no Funsionariu sira hotu, komvoka reuniaun, iha nivél Universidade hodi koalia kona-ba ajenda sira, hansan halo kodefikasaun ba dukumentu no matadalan sira, iha saulaun Pós-Graduasaun (12/05).
Magnifiku Reitór Universidade da Paz, Dr. Adolmando Soares Amaral,Lic, Eco.MM. hateten, Fundasaun, Senadu, Pro-Reitór, Dekanu no xefe Departamentu, inklui Unidade sira hotu, tenki produs ona nia matadalan, hodi bele gia funsionariu sira hotu iha servisu fatin.
“ita mós koalia ona kona-bá, oinsa halo promosaun salarial ba Dosente no Funsionariu sira, tanbá ita ohin koalia ona ba regrsa sira, depois husi regrsa sira ne’e, Dosente no funsionariu sira halo tuir, depois ita halo ona promosaun salarial, seluk mak produs artigu siéntifiku tanbá iha ona Website, ne’ebé mak ohin lansa ona, no artigu sira ne’e sei lansa iha website UNPAZ nian, Unpaz.tl” dehan Reitór.
Nia hatutan, depois ita mós halo rotasaun no promosaun, Funsionariu balu asumi fali kargu ba iha vice Direitór, no vice Diretór balu asumi fali kargu ba Diretór, tanbá ita hare wainhira ema iha prestasaun servisu iha responsabilidade, ita fó tan responsabilidade ne’ebé mak bo’ot ba nia, liuhusi promosaun grau hasa’e ba nivél kargu sira.
Atividade refere partesipa husi, Magnifiku Reitór Universidade da Paz, Dr. Adolmando Soares Amaral,Lic, Eco.MM. Pro-Reitór, Dekanu, Xefe Departamentu sira, Diretór Unidade, Dosente, Inklui Funsionariu sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
