#UNPAZ# 19 JUÑU 2021
MAGNIFIKU REITÓR ENSERA TREINAMENTU (SIA) IHA UNPAZ
Dili-Universidade da Paz (UNPAZ), nia Magnifiku Reitór, Dr. Adolmando Soares Amaral, Lic, Eco. MM. ensera ona treinamentu kona-ba “Sistema Informasaun Akádemiku”(SIA) ba Funsionariu UA-AAE, Finansas, no Administrasaun Fakuldade, durante loro tolu, iha Salaun Pós-Graduasaun (19/06).
Magnifiku Reitór Universidade da Paz, Dr. Adolmando Soares Amaral, Lic, Eco. MM. hateten ita hahu ho formasaun ida ne’e para ita bo’ot sira kaer ne’e hanesan bokae ida, iha tempu sira tuir mai situasaun normal, ita bele halo estudu komparativu ho Universidade sira iha rai liur, haruka ita bo’ot sira ba aumenta ita bo’ot sira nia koñesementu mak ita servisu ho profisionál.
“Agradese ba ita bo’ot sira tanba bele investe ona tempu, atu bele aumenta tan ita bo’ot sira nia koñesementu, para depois bele fasilita ita nia srvisu lor-loron bele halo atendementu di’ak liu, no di’ak liu mak ita bo’ot sira familiar ho aplikasaun sira ne’e, tanba mundu agora ne’e Sistema dizital, husu nafatin imi nia apoiu servisu ho responsabilidade, imi nia profisionalizmu mak ita hahu aumenta liuhusi formasaun sira ne’e, agradese mós ba Pro-Reitór, no Diretór IT, bele dezena ona ita nia aplikasaun ida ne’e, hodi bele utiliza iha Universidade da Paz”dehan Reitór.
Atividade refere partesipa husi, Magnifiku Reitór, Dr. Adolmando Soares Amaral, Lic, Eco. MM. Pro-Reitór, no Diretór IT, Funsionariu husi UA_AAE, Finansas, no Administrasaun Fakuldade, iha Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
