![LEAO UNIPESOAL HALO AUDITORIA IHA UNPAZ](https://unpaz.tl/asset/foto_berita/32.jpg)
LEAO UNIPESOAL HALO AUDITORIA IHA UNPAZ
Dili-Universidade da Paz (UNPAZ) liuhusi diresaun Administrasaun Jeral Finansas, hetan ona asistensia auditoria husi Leao Unipesoal hodi halo auditoria ba atividade sira nomós relatoriu finananseira tinan daruak nian, ne’ebé hala’o iha UNPAZ (06/07).
External Auditoria, Sr. Moises Maria Do Rego Leão, MBA, hateten, momentu ida ohin halo hela auditoria ba iha Universidade da Paz, bazeia ba pedidu ne’ebé tinan-tiana UNPAZ hatama, auditoria hahu horseik sei to’o iha fulan ikus, auditioria ida ne’e sei hala’o mós ba iha fakuldaede sira, liuliu liga liu ba iha finansas nian.
Vice Reitór Asuntu Administrasaun no Finansas, Sr. Caetano Carcerres Correia Lic.Eco.,Ak.,MCA, hatutan, hahu horseik ita iha ona external auditoria ne’ebé mak hahu kedas iha 2020, halo auditoria ba iha ita nia relatoriu finaseira nomós atividade enjeral iha UNPAZ, no tinan ida ne’e ba daruak external auditoria mai husi kompaña Leao Unipesoal, ne’ebé mak iha ona akordu ho kompaña refere, atu fó nia asistensia ba iha relatoriu finanseira nomós atividade iha UNPAZ, liga ho finanseiru ne’ebé iha.
“Informasaun finansia no atividade sira ita sei nakloke, ita la taka kualker identidade tanba ita la’os kompaña partikular ne’ebé mak ita tenki taka informasaun, maibe ita tenki justu no nakloke ba iha públiku, no ba ema ne’ebé presija no atu utiliza ita nia relatoriu finanseiru atu bele tetu no haree ba ita nia kapasidade”,dehan Vice Reitór Asuntu Administrasaun no Finansas, Sr. Caetano .
Nia reforsa, ohin hahu fali daruak nian ba tinan 2021, tanba tinan-tinan ita sempre iha audit, bazeia ba komprimisiu ne’ebé mandatu ne’e la’o, ita tenki iha kontabilidade ne’ebé transparansia no nakloke ba iha públiku, ita komesa hahu iha 2020 nomós 2021.